விவசாயம் லாபமாக நடத்திய விவசாயி தொழில் புதுமுயற்சி உழைப்பு சாதனை

மேகநாதன் முனுசாமி
விவசாயிகளின் கூக்குரல் – ஆடியோ கிளிப்
இன்று இன்பாக்ஸில் ஒரு ஆடியோ கிளிப் வந்தது,. கத்தி திரைப்படத்தின்,
பின்னணி இசையுடன், உருக்கமாக ஒருவர் அன்னைக்கு வாத்தியாருக்கு எவ்வளவு
சம்பளம் வங்கி அதிகாரிக்கு எவ்வளவு சம்பளம், அன்னைக்கு நெல்லு ஒரு மூட்டை
எவ்வளவு
இன்னைக்கு வாத்தியாருக்கு எவ்வளவு சம்பளம் வங்கி அதிகாரிக்கு எவ்வளவு
சம்பளம், இன்னைக்கு நெல்லு ஒரு மூட்டை எவ்வளவு அந்த அளவுக்கு என்
நெல்லுக்கு விலை ஏறவில்லை என்று உருக்கமாக கதறி கதறி பேசியிருந்தார்.
அந்த ஆடியோ கிளிப் கேட்டவுடன், எனக்கு தெரிந்த ஒரு விவசாயின்
உண்மைக்கதையை உங்களுடன் பகிர்ந்துகொள்ள ஆசைபட்டதன் விளைவு தான் இந்த
பதிவு.
1900-ல், நெல்லை மாவட்டத்தில், களக்காடு என்னும் கிராமத்தில், சிதம்பரம்,
செல்லாயி என்ற தம்பதியினர் வாழ்ந்து வந்தனர். அவர்கள் தங்களுக்கு
சொந்தமான ஒரு ஏக்கருக்கும் குறைவான சிறு நிலத்தில் வாழ்ந்து வந்தனர்.
அவர்களுக்கு ஐந்து ஆண் பிள்ளைகள். 1915-ல் சிதம்பரம் திடிரென மரணம்
அடைகிறார்.
செல்லாயியை, சிதம்பரத்தின் உறவினர்கள் ஏமாற்றி இருந்த சிறு நிலத்தையும்
பிடுங்கிக்கொண்ட
ு துரத்திவிடுகின்றனர்,
அப்பாவியான செல்லாயி என்ன செய்வது என்று அறியாமல், தன் 5 மகன்களையும்
கூட்டி கொண்டு ஊருக்கு வெளியே உள்ள குடிதாங்கி குளம் என்ற குளக்கரையில்
ஒரு ஓலை குடிசை போட்டு தங்குகிறாள்.
முதல் 3 மகன்களும், தந்தை சிதம்பரம் இருந்த போது திண்ணை பள்ளியில்
அரிச்சுவடி படித்ததோடு சரி.
செல்லாயி, இளைய மகன்களை திண்ணை பள்ளியில் விட்டு விட்டு முதல் 3
மகன்களுடன் வயல்களில் கூலி வேலை செய்து வந்தாள்.
அந்த 5 பிள்ளைகளில், மூன்றாம் மகனின் பெயர் நல்லமுத்து, இவரது வாழ்கையை
தான் நாம் இன்று பார்க்கபோகிறோம்.
நல்லமுத்து, தனது பத்தாவது வயதிலிருந்து வயல்களில் கூலி வேலை
பார்த்துவந்தான், தனது 15ஆவது வயதில், அந்த ஊரில் இருந்த ஒரு
பணக்காரரிடம், ஒரு சிறு பகுதி வயலை தனக்கு பண்ணையம்(குத்தகை) செய்ய
தருமாறு கேட்கிறான். நல்லமுத்துவின் தைரியத்தை பாராட்டி அந்த பண்ணையாரும்
ஒரு சிறு பகுதியை ஒதுக்கி தருகிறார்.
சுமார் 5 வருடங்கள் கடின உழைப்பு, சிக்கனம் என்று வாழ்ந்து பின், சிறுக
சிறுக பணம் சேர்த்த நல்லமுத்து, தனது 20 வயதில் தான் குத்தகைக்கு வேலை
செய்த நிலத்தை விலைக்கு தர முடியுமா என்று அந்த பண்ணையாரிடம் கேட்கிறார்,
பண்ணையாரும் இவரது அயராத உழைப்பை கண்டு பாராட்டி அந்த நிலத்தை விலைக்கு
கொடுக்கிறார்.
பின்னர், நல்லமுத்து, தனக்காக ஒரு சிறு வீடு கட்டிக்கொண்டு, தன் தாயுடன்,
வாழ்கிறார். அவரது முதல் அண்ணன் மட்டும் நடுவே இறந்து விடுகிறார்,
அவரது தாய் நல்லமுத்துவுக்கும் மற்ற சகோதரர்களுக்கும் திருமணம் செய்து
வைக்கிறார். அவர்கள் அனைவரும் ஒரே தெருவில் வேறு வேறு வீடுகள் அருகருகே
வாழ்ந்தனர். அனைவரும் விவசாயமே செய்தனர்.
களக்காடு என்பது காவேரி போல பெரிய அளவில் ஆற்று பாசனம், உள்ள ஊர் அல்ல,
பருவமழையை நம்பி மட்டுமே விவசாயம் செய்யவேண்டும். நல்லமுத்து அப்படியும்
அருமையாக விவசாயம் செய்து வந்தார்,
எனக்கு சுமார் 10 வயது இருக்கும் போது நானே நேரில் பார்த்துள்ளேன்,
அப்போது நல்லமுத்து சுமார் 10 ஏக்கர் நிலம் சொந்தமாக வைத்திருந்தார் தனது
வீட்டில் 2 பசுமாடுகளும், 15 எருமை மாடுகளும் வைத்திருந்தார்,
அவரது மனைவி சொர்ணத்தம்மாளுக்கு செலவுக்கு பன தரவே மாட்டார், நல்லமுத்து
ஊதாரி என்பதால் அல்ல, சொர்ணத்தம்மாளுக்கு அவரிடமிருந்து பணம்
தேவைப்படவேயில்லை, மாடுகளில் இருந்து வீட்டில் வைத்தே பால் வியாபாரம்
செய்வார்,
அருகில் இருந்த கூட்டுறவு பண்ணையில் சென்று பால் கறந்து கொடுத்து
மாதாமாதம் பணம் வாங்கிகொள்வார்.
நல்ல முத்துவின் வீட்டுக்கு பின் இரண்டு ஆள் ஆழத்துக்கு ஒரு மிகப்பெரிய
எருக்குழி இருக்கும். மாடுகளின் சாணம், சிந்தும் வைக்கோல், வீட்டில் உள்ள
குப்பை, மீதமான கெட்டுபோன உணவுகள் எல்லாம் அதில் தான் கொட்டுவார்கள்.
நல்லமுத்து, தனது வீட்டுக்கு, சமையல் எண்ணை, கடுகு போன்ற ஒருசில மளிகை
சாமான்கள் தவிர வேறு எதுவும் கடையில் வாங்கி நான் பார்த்ததில்லை.
தனது மொத்த வயலில் பெரும்பாலும், கேரளாவில் நேந்திரங்காய், என்று
சொல்லப்படும் ஏத்தன் என்ற வகை வாழையை மட்டுமே பயிரிடுவார்.
ஒரு சிறு பகுதி நிலத்தில் சுழற்சி முறையில், நெல், உளுந்து, தொவரை,
பருத்தி, போன்றவற்றை பயிர் செய்வார்
இவற்றில், வாழை, பருத்தியை தவிர மற்றவற்றை விற்க மாட்டார்,
நெல் மற்றும் பருப்பு வகைகளை தனது வீட்டுக்கு மட்டுமே பயன் படுத்துவார்,
அவருக்கு பிள்ளைகளே 7 ஆயிற்றே.
நான் பார்த்தபோது, வடக்குவீடு என்று அழைக்கப்படும் அவரது மற்றொரு
வீட்டில், நெல்லும், பருப்பும் மூட்டைகளில் அடுக்கி வைத்திருப்பதை
பார்த்திருகிறேன
். அந்த வீடு முழுவதும் நெல்லும் பருப்பு மூட்டைகளும் மட்டுமே இருக்கும்.
நீங்கள் ஏன் அரசு கொள்முதல் கூடங்களில் விற்பதில்லை என்று கேட்டால்
சிரித்துவிட்டு நகர்ந்துவிடுவார்,
ரொம்ப அழுத்தி கேட்டால், அதுக்கு பதிலாக, நான் நெல்லை என் மாடுகளுக்கு
திவனமாக போடுவேன் என்பார்.
வாழைக்குலைகள் வெட்டும் நேரம் வரும் போது மற்ற விவசாயிகள் தரகர்களிடம்
விலை பேசிக்கொண்டிருப்பர்கள்
நல்லமுத்து மட்டும், அந்த தரகர்களின் லாரி ஓட்டுனர்களிடம், உங்கள்
லாரிகளில், மிச்சம் இருக்கும் காலி இடத்தில் என் வாழைக்குலைகளை ஏற்றி
செல்ல கூலி எவ்வளவு வேண்டும் என்று பேரம் பேசிக்கொண்டிருப்பார்.
தன் பிள்ளைகள், மற்றும் பேரன்கள் மூலம் தனது வயலில் வெட்டப்பட்ட
வாழைக்குலைகளில் காப்பியிங் பென்சிலால் "சி.நா" என்று அடையாளக்குறி
போட்டு, அந்த வாழைக்குலைகள் 5 – 6 லாரிகளில் பிரித்து ஏற்றி, பின் அந்த
லாரிகளில் ஒன்றிலே ஏறி திருவனந்தபுரத்துக்கு செல்வார்.
பின் தன் வாழைக்குலைகளை அங்குள்ள மொத்த வியாபாரிகளுக்கு நேரடியாக விற்று
விட்டு பணத்துடன் திரும்புவார், வந்தவுடன் அந்த பணத்தில் ஏதாவது நிலத்தை
விலைக்கு வாங்குவார்.
அவர் என்றுமே தங்கத்தில் முதலீடு செய்ததேயில்லை, வீட்டில் பெண்களுக்கு
திருமணம் என்றால் ஏதாவறு வயலை விற்றுவிடுவார் அந்த பணத்தில் திருமணம்
முடித்து அனுப்புவார்.
அவருக்கு 4 மகள்கள் மற்றும் 3 மகன்கள், எல்லோரையும் நன்றாக படிக்கவைத்தார்.
4 பெண்களுக்கும் அரசு அதிகாரிகளை மாப்பிள்ளையாக தேடி திருமணம் செய்து வைத்தார்.
பெரிய மகன் அரசுத்துறையில் வேலைக்கு சேர்ந்தார், அடுத்த மகன் BA
படித்துமுடித்து தன் தந்தையுடனே விவசாயம் பார்க்கிறார், கடைசி மகன்
மட்டும் சென்னை வந்து ஒரு தனியார் பள்ளியில் ஆசிரியராக பணிபுரிகிறார்.
அவரது விவசாய முறையே அலாதியானது,
1 .வயலில் உள்ள கழிவுகள், வீட்டில் உள்ள மாடுகளுக்கு,
2. வீட்டில் மாடுகளின் கழிவுகள் மீண்டும் வயலுக்கு, 3. உணவுக்கு நேரடியாக
வயலிலிருந்தே விழை பொருட்கள்,
4. வருமானத்துக்கு வாழை போன்ற பணப்பயிர்கள்,
5. விவசாயத்தில் வரும் வருமானத்தை மறுபடியும் விவசாயத்திலேயே முதலீடு செய்வது
6. எந்த காலத்திலும் தரகர்களிடம் போகாமல், தன் விளைப்பொருட்களை தானே
நேரடியாக விற்பது. 6.விவசாயத்தில் புதிதாக என்ன என்று தவறாமல் வானொலில்
கேட்பது, பின் அதை வயலில் செயல்படுத்தி பார்ப்பது, இப்படி பல.
நல்லமுத்து விவசாயத்தை ஒரு முழுநேர தொழிலாகவே செய்தார், அவர் எந்த
காலத்திலும் அரசாங்கத்தை எதற்கும் எதிர்பார்க்கவில்லை,
மழை பொய்த்துபோவது, சூறைக்காற்றில் வாழைகள் சரிந்து விழுவது, வெள்ளம்
என்று அவரும் பல இயற்க்கை சீற்றங்களை சமாளித்து தான் விவசாயம் செய்தார்.
நல்லமுத்து, 2003-ல் தனது 98ஆவது வயதில் இறந்தார், இறப்பதற்கு 3 மாதம்
முன்பு வரை தினமும் விவசாயம் செய்தே வந்தார்.
ஒரு விவசாய கூலியாக 10 வயதில் தன வாழ்கையை தொடங்கிய நல்லமுத்து, 98
வயதில் இறக்கும் போது தன் மகன்களுக்கு சொந்தமாக முதல் தளத்துடன் கூடிய
மூன்று கான்க்ரீட் வீடுகள், 20 ஏக்கர் விவசாயம் நிலம், இத்தனையும் விட்டு
சென்றார்.
அவர் செய்த ஒரே தொழில் விவசாயம், அவரது ஒரே முதலீடு அவரது உழைப்பு.
இன்றும் தேனி, கம்பம், போடி, கோவை, ஈரோடு போன்ற பகுதிகளில் சும்மா
புலம்பிகொண்டிராமல், வெற்றிகரமாக விவசாயம் செய்பவர்கள் பலர்.
இன்னும் சொல்லப்போனால், நீர் ஆதாரங்கள் பெரிய அளவில், விழுப்புரம் போன்ற
பகுதிகளில் கூட வெற்றிகரமாக விவசாயம் செய்பவர்கள் பலர்.
எனக்கு தெரிந்து தஞ்சை பகுதி விவசாயிகள் மட்டுமே, அரசாங்கம்
கவனிக்கவில்லை என்று புலம்புவது என்று நினைக்கிறேன்.
விவசாயி சோறு போடுகிறான், குழம்பு ஊத்துகிறான் என்று செண்டிமெண்டாக
பேசாமல், அவர்கள் தங்கள் தொழிலை லாபகரமா செய்ய என்ன வழி என்று அவர்கள்
தான் கண்டுபிடிக்க வேண்டும்.
விவசாயிகளின் தற்கொலைகளை அவமானப்படுத்துகிறாய் என்று சொல்பவர்கள் ஒன்றை
கவனிக்க தவறுகிறார்கள்,
பெட்டிகடைகாரன் கூட தற்கொளை செய்கிறான், ஐடி-யில் வேலை செய்பவன் கூட
மனைவியுடன் சேர்ந்து மாடியில் இருந்து, குதிக்கிறான், தற்கொலை என்பது ஒரு
தனிமனிதனின் உளவியல் சார்ந்த்தது
நீ குப்புரப்படுத்துகொண்டு யோசித்து நல்லமுத்து என்று அழகாக ஒரு கதை
எழுதினால் நாங்கள் நம்ப முடியாது என்று சொல்பவர்களுக்கு,
அந்த நல்லமுத்துவின், முதல் மகளாக பிறந்த பெண் செல்லம்மாள் தான் என் தாயார்.
ஆம், என் பாட்டன், ஆண்டபரம்பரை எல்லாம் இல்லை, ஒரு விவசாய கூலியாகத்தான்
தன் வாழ்கையை தொடங்கினார், எழுதப்படிக்க தெரியாதவர் தான், ஆனால் அவர்
தான் இறக்கும் போது, தன் 17 பேரக்குழந்தைகளுக்கு உழைப்பின் அருமையை தன
வாழ்வில் மூலம் சொல்லிக்கொடுத்தார் என்று நான் எப்போதுமே பெருமை
கொள்வேன்.
-- Krishnavel T S

பணத்தாள் மதிப்பிழப்பு பலனேதுமில்லை விளைந்த கேடுகள் tehalka பத்திரிக்கை 500 1000

Jose Kissinger
# Demonetisation cat is out of the bag
A Parliamentary Committee on Demonetisation has submitted its report,
which will be tabled during the Monsoon Session of Parliament.
Accordingly, the report calls demonetisation a blunder. Not a single
objective has been met, it reportedly says.
Findings of the Committee reveal no major black money was found. It
says Finance Ministry accepts that only details of 4,172 crores of
suspicious money which could be black. (Prime Minister Modi had
predicted 5-7 lakh crores would have been black).
According to the Committee’s findings, demonetisation had no effect on
terror funding. Neither cashless nor was less cash society formed as
Finance Ministry was projecting. People have shifted back to
pre-November 8, 2016, level cash transactions.
In a further revelation, the report says demonetisation killed small
scale industries and major unorganised sector. Bhartiya Mazdoor Sangh,
a trade union affiliate of BJP, has reported a loss of four crore jobs
and shut down of over three lakh industrial units. Report has
questioned decision making authority and termed all decisions were
taken without planning, like size of currencies not planned according
to ATMs, 2000 rupees note was brought in without any smaller
denomination note to exchange, no considerable amount of currency
printed for supply which led to huge rush to banks and ATMs, rules
changed on daily basis proved flawed planning. Till date, ATMs
remained dry in rural areas.
In a startling revelation, the report says failed demonetisation
planning has led to now cut in expenditures of Government on health,
education and other vital sectors. Education sector remains most
affected as funds have been stopped, fees hiked, and seats decreased
for research. Taxes have been increased, interest rates on PPF and
other savings scheme reduced.
In view of the foregoing, who will be held responsible for all this
Organised Blunder? Who will account for 30,000 plus crores incurred on
distribution and all other expenses like advertisements,
transportation, extra pay to manpower etc? The question arises who
will be held responsible for 180 plus deaths during the whole process?
Will PM Modi account himself before the bar of the people or will
Indian democracy continue to be throttled with arbitrary exercise of
power by one man government, shorn of collective responsibility? Will
Modi go down in the history of India as the first disrupter of its
economy by getting away with the aggressive hyper nationalism and any
one questioning him as anti-national?
Media euphemistically called “presstitutes” by one of the NDA
Government’s Minister, have been warned not to bring the report to
light.
Rightly, the former PM Dr Manmohan Singh termed it as “Organised
Loot”. One may recall how Dr. Manmohan Singh in answer to a question
from media in his last Press Meet as the Prime Minister on January 3,
2014 had said that Modi as Prime Minister will be a “disaster”, which
has been proved now with jobless growth, negligible investments from
domestic business houses, fudged data on GDP and ever rising social
tensions, straining the very idea of India as postulated by its
Constitution and the rule of law based democratic system of
governance!
http://www.tehelka.com/2017/08/
demonetisation-cat-is-out-of-the-bag/

ஓஷோ பிராமண வெறி தமிழ் வெறுப்பு ஓசோ மறுபக்கம் விமர்சனம் சாமியார் போலிச்சாமியார்

Avaddayappan Kasi Visvanathan
ஆன்மீக வியாதி :-
முட்டாள்கள் பிறப்பதில்லை : உருவாக்கப்படுகிறார்கள்.
அங்கீகரிக்கப்பட்ட அனைத்திற்கும் எதிரானவன். தேடுதலை நிறுத்துங்கள்
தேடுவது கிடைக்கும். இப்படி அதிரடியாய் இந்த உலகத்தை திரும்பிப்பார்க
்கச்செய்தவர். பகவான் என்று தன்னை அறிவித்து ஆச்சாரியர் என்று தன்
சீடர்களால் அடையாள்ப்படுத்த
ப்பட்டவர். தத்துவ இயலில் பதக்கம் பெற்ற மாணவர் - உலகில் உள்ள அனைத்து
தத்துவங்களையும் மறுதளிக்கிறேன் என்றவர். விமர்சனம் செய்யாத மனிதர்
இல்லை. விமர்சிக்கப்படாத தலைப்புகள் இல்லை. தர்க்கத்தில் துவங்கி
குதர்க்கத்தில் தொடர்ந்து குழப்பத்தில் முடித்து மனமற்ற நிலைக்கு கொண்டு
செல்கிறேன் என்றவர்.
பிறக்கவும் இல்லை இறக்கவும் இல்லை ; இந்த பூமி கிரகத்திற்கு வந்து சென்ற
நாட்களை பதிவு செய்கிறேன் என்றவரிடம், அவரைப்பற்றிய எந்த திறனாய்வும்
செய்யாமல், சில கேள்விகளை மட்டுமே கேட்டு வைப்பது தான் இந்த கட்டுரையின்
நோக்கம். இந்திய துணைக்கண்டம் என்பது கடந்த பல்லாயிரம் வருடங்களாக பல
சமூக கருத்தியலை விளைவித்த தவிர்க்க முடியாத விளை நிலமாகவே இருந்து
வந்துள்ளது. அந்த நெடிய வரலாற்றில் பல புரட்சிகள் நடந்துள்ளன. பல
புரட்சிகள் ஒடுக்கப்பட்டுள்ளன. இதுவும் இந்த விளை நிலத்தில் களை
எடுக்கப்படாமல் விடுபட்ட பார்த்தீனியம் செடிகளின் வேர் துளைத்த
விழுதுகளின் விளைவே.
ஆனாலும் பல மோசடி மனிதர்களும், ஒப்புமை இல்லாத மனித நேயர்களும் வாழ்ந்து
சென்ற பண்பட்ட, புன்பட்ட நிலமே. இந்தப் பதிவுகளில் யாருக்குமே கிட்டாத,
யாருமே தொடாத ஒரு புதிய பாதையில் நீங்கள் ஒருவர் மட்டுமே பயணப்பட்டவர்.
நிறுவணமயமாக்கப்பட்ட மடாதிபதிகள், ஆதீனகர்த்தர்கள் தவிர புதிதாய் கால்
பதிக்கும் எவருமே பல நூல் படித்த பெரும் பண்டிதராய் இருக்க வேண்டிய அவசிய
சூழ் நிலை இந்த மண்ணிற்கு மட்டுமே மிக அவசியமான ஒன்று. அந்த கட்டாய
விதிகளை மேலும் கடுமையாக்கியவர் நீங்கள் தான் என்றால் அது மிகை அல்ல
என்றே நான் கருதுகிறேன்.
உங்கள் ஒவ்வொரு சொற்பொழிவும் கேட்பவர் வசியப்படுவது மிக இயல்பான ஒன்று.
ஆம் உங்கள் இயல்பான சொல் வளம், அதன் பொருள் வளம், அல்லது தான் சொல்வதை
நியாயப்படுத்தும் வார்த்தை வித்தகம் என்பது இந்த இரண்டு நூற்றாண்டுகளில்
உங்கள் ஒருவருக்கு மட்டுமே அந்த எல்லையில்லா பரம் பொருள் அருளிச்செய்தது
என்பதும் மிகை அல்ல.
எல்லாம் சரி. உங்கள் பரிபூரணத்துவம் மிளிரும் உங்கள் சொற்பொழிவுகளின்
வாயிலாக சிலர் மறந்த புதிர்கள் மட்டுமே இங்கு விவாதத்திற்கு உங்களிடம்
சமர்ப்பிக்கப்படுகிறது.
இதில் உள்ள சில குறைகளும் நிறைகளும் எனது சிற்றறிவின் எல்லைக்குட்பட்ட
அறிவு நிலையே..!!!
ஐயா, மனித குலம் பிறப்பெடுத்த நாள் முதலாய், அவன் உண்டு உடுத்தி
வாழ்வதற்கான முயற்சிகளை செய்து வாழ்கிறான். இந்த வாழ்க்கைப்பயணத்தில்
என்று இந்த ஆன்மீகம் நுழைந்தது என்று தெரியவில்லை ஆனால் அது கண்டுபிடித்த
இந்த தியானம் என்பது மட்டும் மிக நல்ல விலை பொருளாய், புரியாமல் புரியும்
அற்புதமாய் நிற்கும் கற்பக தளிர். இது தான் இன்றுவரை யாரும் வரையறை
செய்யாத, குறுக்கு வினா எழுப்ப முடியாத வித்தை. இல்லை என்றால் யாரொருவர்
நான் பரிபூரணத்துவம் அடைந்து விட்டேன் என்பதனை தொழில் நுட்ப கருவி கொண்டு
ஆராயாமல் உள்ளது உள்ள படி ஏற்கும் நிலைதான் இன்றளவும் உண்மையன்றோ !!!
இந்த சரட்டு வித்தையின் நிரலில் இருந்து சில கேள்விகள் இங்கு பதிவு
செய்யப்படுகிறது.
1. உங்கள் " மறைக்கப்பட்ட உண்மைகள் " என்ற நூலில் ஒரு இடத்தில் வாரணாசி
எனப்படும் காசி திருத்தலத்தில் விசுவநாதர் ஆலயத்தில் காந்தியடிகளின்
சீடர் திரு. வினோபாவே ஒடுக்கப்பட்ட மக்களை ( அதாகப்பட்டது உங்கள்
மொழியில் சூத்திரர் ) கோவில் நுழைவு போராட்டம் செய்து, நுழைந்ததின் மூலம்
" காசி விசுவநாதர் " அசுத்தம் ஆகிவிட்டார் என்று அந்த கோவில் குருக்கள் (
பண்டா ) வேறு ஒரு கோவில் கட்டி இனி அந்த காசி விசுவநாதர் தான்
புனிதமானவர் என்று அறிவித்தார் என்பதும் அதனை நீங்களும், ஆம்
சூத்திரர்கள் கோவில் செல்ல கூடாது, அந்த பண்டா செய்தது சரிதான் என்று
வல்யுறுத்தியது உங்கள் ஆன்மீகத்தில் என்ன பொருள் ????
2. உங்கள் சுயவரலாறு புத்தகத்தில் " Golden glimpses of Child hood "
என்ற நூலில், உங்களைப்போன்றே ஆன்மீகத்தில் தியான முறைகளை கற்றுத்தந்து,
உங்கள் சம காலத்தில் வாழ்ந்த '" யோகி ராம்சூரத் குமார் " என்ற
ஆச்சாரியரிடமும், அவர் தன் சீடர்களிடமும் எந்த வித பேச்சு வார்த்தைகளும்
வைத்துக்கொள்ளாதீர்கள் என்று கட்டளை இட்டதாக நீங்களே வாக்குமூலம்
கொடுத்தீர்கள் அதற்கு காரணம் ''" யோகி ராம்சூரத் குமார் " என்ற வேதாந்தி,
பிறப்பால் ஒரு சூத்திரர் எனவும் அவர் வேதாந்தங்களையும், தியான
முறைகளையும் கற்று கொடுக்க பிறப்பிலேயே அருகதை இல்லாதவர் என்றும் திட்ட
வட்டமாக உங்கள் சீடர்களிடம் விஷம் கக்கி அவர் சீடர்களிடம் பழ்கினாலே
சூத்திர தீட்டு வந்து விடும் என்ற அளவிற்கு, போதனை செய்த உங்கள்
ஆன்மீகத்தின் பொருள் தான் என்ன ???
3. அதே " Golden glimpses of Child hood " என்ற நூலில், தாங்கள் ஒரு முறை
தமிழகம் பயணப்பட்டு அங்கு உள்ள ஒரு விடுதியில் தங்கி இருந்ததாகவும், அந்த
ஓரிரு நாட்கள், அங்கு அந்த மக்கள் பேசிய மொழி மிக அருவெறுப்பாகவும்
சண்டையிடுவதாகவும் இருந்தது என்றும் அதன் பிறகு என் வாழ் நாளில்
எப்போதுமே அங்கு சென்றதில்லை என்றும், அந்த ஊரில் தான் தத்துவ ஞானி
ஜிட்டு.கிருஷ்ணமூர்த்தி இருந்தார். அவருக்கு தமிழ் பேசுவது மிகவும்
பிடிக்கும், சண்டையிடுவதும் மிகவும் பிடிக்கும் என்று தர சான்றிதழ்
கொடுத்துள்ளீர்களே..???
இதன் பொருள் என்ன என்று நான் கேட்கவில்லை.
உங்கள் வக்கிரபுத்தியில் மனித நிலைக்கு சிறிதும் இடமில்லை என்பதனை மிக
அழகாக எடுத்துரைத்த மாபெரும் பகவான் என்று தான் உங்களை நினைக்கின்றேன்.
ஆகவே இந்த மூன்றாவது கேள்வி உங்களுக்கு அல்ல இதனை உங்களுடன் இருந்து
சேமித்து அச்சிட்டு வெளியிட்ட பக்த்தகே (டி) களின் வக்கிர நிலைக்கு
யாரிடம் சென்று முறையிடுவது ??
அதனையும் தமிழில் மொழிபெயர்த்து புண்ணியம் தேடிய தமிழ் புவியரசுகளும்,
பரமாத்துமாக்களும் மனதை அடகு வைத்து புத்தி பேதலித்த நிலையில் தான்
இருந்தனரா ???
இன்னும் பல கேள்விகள் உண்டு. ஆனால் ஒரு வக்கரித்த கொடும்பாவியிடம்
இதற்குமேல் கேட்க எனக்கே வெட்கமாக இருக்கிறது. ஆன்மீக லயத்தில் உள்ள
நண்பர்கள் என் மீது கோபம் இருந்தால் தயவு செய்து நட்பு வட்டத்தில்
இருந்து விலக்கி விடுங்கள்.
நன்றி.
--வேணும் அருள்மிகு பொய்சொல்லா மெய்யர் துணை .
-- நெற்குப்பை காசிவிசுவநாதன்.

கோழி வளர்ப்பு நாட்டுக்கோழி முட்டை தொழில் புதுமுயற்சி

தொடர் தோல்வியை தாண்டி, லட்சங்களில் நாட்டுக்கோழி முட்டை உற்பத்தி:
இந்தியா முழுதும் விற்பனை செய்யும் ‘ஹேப்பி ஹென்ஸ்’
YS TEAM TAMIL
AUGUST 01, 2017 18
கோழிப் பண்ணை என்றால் கூண்டுகளில் அடைக்கபட்ட வடிவம் தான் நம் கண்முன்னே
வந்துபோகும்.
திருச்சியில் இருந்து புதுக்கோட்டை செல்லும் சாலையில் 25 ஏக்கர் பரப்பளவில்
'ஹேப்பி ஹென்ஸ்' நாட்டுக்கோழிப் பண்ணை உள்ளது. இயற்கை சூழலில் வளரும்
ஆரோக்கியமான நாட்டுக் கோழிகளை பார்க்கும் போதே பண்ணையின் வடிவமைப்பு
பிரமிக்க வைக்கிறது. வெற்றிகரமாக இயங்கி வரும் ஹேப்பி ஹென்ஸ்
உரிமையாளார், அசோக் கண்ணனிடம் பேசினோம்.
அஷோக் கண்ணன் உடன் மஞ்சுநாத்
‘‘ஆரம்ப காலத்தில் ஹெர்பல் ட்ரேட் நிறுவனங்களுக்கு இயற்கை மூலப்பொருட்களை
உற்பத்தி செய்து தந்தேன். ஒரு முறை யூ-டியூப்பில் நாட்டுக்கோழி வளர்ப்பு
பற்றிய முழு வீடியோ தொகுப்பை பார்த்தேன். அதன் பிறகு தான் இந்த பயணம்
துவங்கியது.’’ என்கிறார் அசோக் கண்ணன்.
இவர் பிறந்த ஊர் மதுரை. நாட்டுக்கோழி முட்டையை மதுரை மக்கள் விரும்பி
சாப்பிடுவாங்க. இதை பெரிய அளவுல முயற்சி பண்ணலாம்னு நினைத்தேன்,
என்கிறார்.
‘‘சின்ன வயசுல இருந்தே விவசாயம் செய்யனும், இயற்கையோடு ஒன்றி வாழணும்னு
ரொம்ப ஆசை, ஆனா ஒன்றரை வயசில் போலியோ பாதிப்பில் கால்கள் ஊனமாகிடிச்சு.
நிலத்தில் இறங்கி வேலை செய்ய முடியாது. ரொம்பவே கவலைபட்டேன்.”
2011-ல் திருச்சி புதுக்கோட்டை சாலையில் 1000 கோழிகளை வாங்கி சின்னதா ஒரு
பண்ணை துவங்கினார். ஆயிரங்கிறது பெரிய முதலீடு சின்னதுனு தவறா
நினைச்சிட்டு இருந்தேன்.
அரசு மானிய உதவியோடு வியாபாரத்தை தொடர்ந்து நடத்தலாம்னு நினைச்சேன்.
ஆனால் அது முழுசா நடக்கல முதல் 30 நாளிலேயே 200 கோழிகள் இறந்துவிட்டனன,
என்று தன் முதல் தோல்வி அனுபவத்தை பகிர்ந்தார்.
அன்றைக்குச் சரியாக கைடு பண்ண திருச்சி பகுதியில் யாரும் இல்லை. கால் நடை
மருத்துவர்களால் கூட கோழிகளைத் தாக்கும் நோய்கள் பற்றி முழுசா சொல்ல
முடியவில்லை.
அடுத்தடுத்து எல்லாக் கோழியும் இறக்க ஆரம்பித்தன, இருந்தும் மனம் தளராம
மறுபடியும், கோழிகளை வாங்கி வளர்க்க ஆரம்பிச்சேன்.
அடுத்து சிக்கல் நாட்டுக்கோழி முட்டையை விற்பனை செய்வதில் ஏற்பட்டது.
நாட்டுக்கோழினாலே முட்டை சின்ன சைஸ்ல தான் இருக்கும்னு நம்ம மக்கள் கிட்ட
தப்பான தகவல் புகுத்தப் பட்டு இருக்கு. என் பண்ணையில் வளர்ந்த எல்லா
முட்டைகளும் நார்மல் அளவை விட கொஞ்சம் பெருசா இருந்துச்சு. யாருமே வாங்க
முன் வரவில்லை.
‘‘இது நாட்டுக்கோழி முட்டையே இல்லைனு‘ கிண்டல் பண்ண ஆரம்பிச்சுட்டாங்க.’’
என்று வருத்தத்துடன் கூறினாலும் அவரின் தன்னம்பிக்கை வெளிப்பட்டது.
2000 முட்டைகளை திருச்சி, மதுரைனு இலவச சேம்பில் தந்தேன். ‘‘ நீங்க வாங்க
வேண்டாம் சாப்பிட்டு பாத்துட்டு கருத்து மட்டும் சொல்லுங்கன்னு’’
கடைக்காரர்களிடம் கூறியுள்ளார். அதுல 90 சதவீதம் பேரு போன் பண்ணுனா
எடுக்கலை. மீதம் 10 சதவீதம் பேர் ‘‘எதுக்கு சார் உங்களுக்கு இந்த
வேலைன்னு’’ அறிவுரை தான் சொன்னார்கள். சிரிச்சுக்கிட்டே அவங்களை கடந்து
போனேன்.
இடையில் ஷாம்பு நிறுவனத்தில் இருந்து சப்ளை செய்யச் சொல்லிக் கேட்டாங்க
மக்களை நம்பி தான் இந்த வியாபாரத்தைத் துவங்கினேன். அவங்க தான் நம்ம
வாடிக்கையாளர். கஷ்டப்பட்டாலும் பரவாயில்லை. ஒரு நாள் மக்களிடம் ஹேப்பி
ஹென்ஸ் பேசப்படும்னு தோனுச்சி.
முட்டையில் என்ன சிக்கலென்று ஆராய ஆரம்பிப்பித்தார். நாட்டுக் கோழிகளில்
20-க்கும் மேற்பட்ட இனவகைகள் இருக்கு. அதில் குறைவான கோழிகள் மட்டுமே
சின்ன சைஸ் முட்டைகளை இடும். அதுவும் Cross breeding, கிராஸ் பிரீடிங்னா
கோழி முட்டைகள் போலி மாதிரியே தெரியும். ஆனா அதுலையும் தரமான முட்டைகள்
இருக்கு.
இந்த சிக்கலெல்லாம் இருந்ததால போட்ட மொத்த முதலும் லாஸ் தான். கோழி
பற்றிய தகவலைச் சொல்லித்தர தமிழ்நாட்டில் சரியான ஆள் யாருமே அப்போ இல்லை.
பெங்களூரில் மஞ்சுநாத் என்பவரின் நாட்டுக்கோழி பண்ணை பற்றி
கேள்விப்பட்டேன். சிரமப்பட்டு நம்பரைக் கண்டு பிடித்து தொடர்பு கொண்டேன்.
அவரு என்னை விட பெரிய அளவுல சிரமத்தை அனுபவிச்சிட்டு இருக்கார்னு
அவர்கிட்ட பேசின பிறகு தான் தெரிந்தது. வியாபாரத்தில் இருக்கும்
நுணுக்கங்களை, கத்துகிட்ட அனுபவங்களை போன்லையே விவாதிப்போம். அப்படியே
நல்ல நண்பராவும் பார்ட்டனராவும் நாட்டுக்கோழி வளர்ப்பில் ஈடுபட்டோம்.
நவீன மருந்துகள் இல்லாம இயற்கை முறையில ஒரு நாளைக்கு 2300 முட்டைகளை
உற்பத்தி பண்ணுற அளவுக்கு ஹேப்பி ஹென்ஸ் பண்ணையை துவங்கினேன்.
தரமான நாட்டுக்கோழிகள் வருஷத்துக்கு 60 லிருந்து 70 முட்டை தான் இடும்.
தொடர்ந்து திருச்சியோட சீதோஷன நிலை, கோழிகள் வாழும் இயற்கையான சூழல்.
அதுகளோட உணவு முறை. வெயில், மழை காலத்தில் கோழிகள்கிட்ட என்ன மாற்றங்கள்
நடக்கும், நோய்கள் எப்படி தாக்கும்னு எல்லாத்தையும் கத்துக்க
ஆரம்பித்தேன்.
நாட்டுக்கோழி பற்றிய ஆராய்ச்சிகள் செய்ய அறிஞர்களை தேடினேன் யாருமே
இல்லை.. எல்லோரும் வெளிநாட்டில் வேலைசெய்றாங்கனு தகவலும், புள்ளிவிவரமும்
கிடைச்சுது, என்று வருத்ததுடன் பேசினார் அசோக் கண்ணன்.
திருச்சியோட தட்ப வெட்ப நிலைக்கு ஒன்பது வகை நாட்டுக்கோழிகளை
வளர்க்கலாம்னு அனுபவத்தில் தான் கத்துக்கிட்டேன். கலிங்காபுரம், கைராலி,
சுவர்ணதாரா போன்ற கோழிகள் ஓரளவு தட்பவெப்பத்தை தாங்கும். வருடத்திற்கு
200 முட்டைகள் வரை தரும். ஹேப்பி ஹென்ஸ் ஐந்து இடங்களில் பண்ணை அமைத்து
இருக்கிறோம்.
இயற்கை சூழலில் கோழி வளர்க்க 1 ஏக்கர் நிலம் போதுமானது. 30 செண்ட
நிலத்தில் கோழிக்கான இடமும் மீதமுள்ள இடத்தில் தீவனம், தண்ணீர் ,
பராமரிப்பு உபகரணம் என அனைத்தும் செய்யலாம்.
”சிறு குறு விவசாயிகள் மற்றும் வியாபாரிகள் 300 கோழிகளை வைத்துக்கொண்டு
எல்லாச் செலவுகளும் போக மாதம் 10 ஆயிரம் வரை சம்பாதிக்கலாம். 30 சென்ட்
அளவு நிலம் உள்ளவர்கள் கூட செய்யலாம்,” என்கிறார்.
அதே போல் ஐந்து ஏக்கர் நிலத்தில் 5000 கோழிகள் திறந்த வெளியில் வளர்க்க
முடியும். 14 லிருந்து 17 லட்சம் வரை சம்பாதிக்கலாம். பண்ணை அமைப்புகள்
எல்லாமே இப்போ கார்ப்ரேட் வடிவத்துக்கு மாறிடிச்சு. அதனால நவீன கோழிக்கான
உணவுகள் சார்ந்த இயந்திரங்களைப் பயன்படுத்தி இன்னும் ஆட்கள் சக்தியை
குறைக்கலாம். ஐந்தில் இருந்து பத்து பேரை கொண்டே இயற்கை பண்ணையை சிறப்பா
பராமரிக்கலாம்.
விவசாயம் மற்றும் கால்நடை வளர்ப்பில் இருக்கும் சிக்கல் என்னன்னா, தரமான
பொருளை தயாரித்து அதை எப்படி விற்பனைக்குக் கொண்டு போகனும்ங்றதுல தவற
விட்டுறாங்க. யாருக்கு விற்பனை செய்யப்போறோம்ங்கிறதுல தெளிவா இருக்கணும்.
இறைச்சி விற்பனையாளர்கள் நேரடியாகவே பண்ணைக்கு வந்து வாங்கிச்
செல்வார்கள். பண்ணையைச் சுற்றி இருக்கும் கடைகள். மக்கள் கூடும்
விழாக்கள், விசேஷங்களுக்கு மொத்தமாகவும் வாங்குவார்கள். ஓட்டல்கள், உணவு
விடுதிகளுக்கும் சூப்பர் மார்க்கெட் நேரடியாக ஆர்டர் எடுத்தும் சப்ளை
செய்யலாம்.
சாதாரண சின்ன லெவலில் ஆரம்பிக்கப்பட்ட ஹேப்பி ஹென்ஸ் தான் இப்போது ஒரு
நாளைக்கு 3000 முட்டைகளைத் தயாரித்து இந்தியா முழுவதும் அனுப்புகிறது.
”இழப்புகளை பார்த்து பயந்து ஒதுங்காமல் எங்க தவறவிட்டோம் என கவனித்து சரி
செய்தால் நிச்சயம் வெற்றிதான்’’ என்கிறார் அசோக் கண்ணன்.
கட்டுரையாளர்- வெற்றிடம்