சாணார் முன்னேற்றம் நாடார் மறவர் கலவரம் பற்றி பாவாணர் இந்து மதம் தென்மதம் என குறித்தல் ஆலயநுழைவு

aathi1956 <aathi1956@gmail.com>	பிப். 26
பெறுநர்: எனக்கு

அழகன் பத்தர்
வடுகராட்சியால் சான்றார் குலம் வீழ்த்தப்பட்ட கதையும், மீண்டெழுகையில் வந்த தடைகளும்:
-------------------------------***-------------------------------
பள்ளருக் கடுத்தாற்போல் ஒருமருங்கு தாழ்த்தப்பட் டிருந்தவர் நாடார் என்னும் சான்றார் குலத்தார். ஆயின் அவர் தீண்டாதாரல்லர். கோயிலுக்குள் மட்டும் புகவுபெறாம லிருந்தார். கள்ளிறக்குவார் சிவன் கோயில்களுட் புகக்கூடா தென்று ஆகமசாத்திரம் கூறுவதாகச் சொல்லப்பட்டது.
தாழ்த்தப்பட்ட வகுப்பினரெல்லாம் சட்டையணியக் கூடா தென்று ஒரு கட்டுப்பாடிருந்தது. 19ஆம் நூற்றாண்டுத் தொடக்கத்தில், திருவனந்தபுரத்து நாடார்குலக் கிறித்தவப் பெண்டிர் சட்டையணிந்தனர். அதனால் தம்மை மேல் வகுப்பாரென்று சொல்லிக்கொள்ளும் தமிழரே அதை யெதிர்த்துக் கலகஞ் செய்தனர். பின் அது ஒருவாறு அடங்கிற்று. முப்பதாண்டு கழித்து மீண்டும் அச் சச்சரவு கிளர்ந்தது. அப்போது சென்னை ஆள்நராக இருந்த வயவர் சார்லசு திரவெல்யன் (Sir Charles Trevelyan) நாடார்குலப் பெண்டிரும் அவர் போன்றாரும் பிறரும் சட்டையணியலாம் என்று உத்தரவிட்டார். அதையொட்டித் திருவாங்கூர் அரசரும் ஓர் அறிக்கை வெளியிட்டார்.
1874-ல், மதுரைக் கயற்கண்ணியம்மை யென்னும் மீனாட்சி யம்மன் கோயிலுள், நாடார் குலத்தார் புக முயன்று தடுக்கப்பட் டனர். அதன்பின், தம்மைச் சேர சோழ பாண்டியரின் வழிவந் தவரென்று கூறித் தமக்குச் சத்திரியர் என்று பெயர் சூட்டிக் கொண்டு. சட்டமுறைப்பட்ட எல்லா எழுத்தீடுகளிலும் பதிவேடுகளிலும் தம்மைச் சத்திரியர் என்றே குறித்தனர். அவர் நிறுவிய கல்வியகங்களும் தங்கல் மனைகளும் சத்திரியர் என்னும் பெயர் தாங்கின. தம் குலத்தை யுயர்த்துவதற்கான வழி வகைகளை ஒல்லும் வகையாற் செல்லும் வாயெல்லாம் மேற் கொண்டனர்.
"குடிசெய்வ லென்னும் ஒருவற்குத் தெய்வம்
மடிதற்றுத் தான்முந் துறும்" (குறள். 1023)
என்றார் திருவள்ளுவர். நாடார் குலத்திற்கோ குடிசெய்வார் பலர் தோன்றினர். தென்திருநெல்வேல
ி வட்டாரத்திலுள்ள நாடார்மார் கிறித்தவக் கல்வியினாலும், வடதிருநெல்வேலி வட்டாரத்திலுள்ள நாடார்மார் வணிகத்தினாலும் விரைந்து முன்னேறினர். அவருட் பாளையங்கோட்டைக் கிறித்தவரும் விருதுநகர் சாத்தூர் சிவகாசி வணிகரும், வெள்ளாளரளவு துப்புரவும் செட்டிமாரளவு வினைத் திறமும் பெற்றனர் எனின் மிகையாகாது.
1899-இல் நாடார்குலத் தென்மதத்தார் (இந்துக்கள்) சிவகாசி விசுவநாதீசுவரர் கோயில் என்னும் சிவன் கோயிற்குட் புகமுயன்றனர். அங்கும் தடுக்கப்பட்டனர். ஆயினும், நாடார் மார் முனைந்திருந்ததனால், கோயில் சாத்தப்பட்டது. அது கண்டு, மேல் வகுப்பார் என்பவரெல்லாம் பகை கொண்டார்.
நாடார்மார் துணிந்து உள்ளூர் மறவரைத் தாக்கினர். அதன் விளைவாக மதுரை மாவட்டத்தைச் சேர்ந்த ஐயாயிரம் பேர் கொண்ட மறவர் கூட்டம், சிவகாசிக்குட் புகுந்து நாடார் மாரை யெதிர்த்துக் கலகஞ் செய்து கொள்ளையடித்தது. 23 கொலைகளும் 102 தீவட்டிக் கொள்ளைகளும் பல தீக்கோள்களும் நிகழ்ந்தன. திருச்சிராப்பள்ளியினின்று படை வந்து கலகத்தையடக்கிற்று. மறவருள் 1958 பேர் தகைக்கப்பட்டனர். 552 பேர் சிறைத் தண்டனையும் எழுவர் கொலைத் தண்டனையும் பெற்றனர். சிவகாசியில் 500 பேர் கொண்ட ஏமக் காவற்படை (Reserve Police Force) நிறுவப் பட்டது.
கலகக் காலத்தில், சிவகாசி நாடார்மார் சிலர் முகமதிய ரானதாகவும், கழுகுமலை நாடார்மார் பலர் உரோமைச் சபைக் கிறித்தவரானதாகவும் சொல்லப்படுகின்றது.
பொதுக்கோவில்களுட் புக இடமில்லாமையால், நாடார் குலத்தார் பிராமணரையே குருக்களாகக் கொண்டு தமக்கெனத் தனிக்கோவில்களைக் கட்டிக்கொண்டனர்.
காந்தியடிகள், ஈ. வெ. ரா. பெரியார், சி. இராசகோபாலாச் சாரியார், வயவர் சி. பி. இராமசாமி ஐயர் ஆகியோர் தொண்டின் விளைவாக, தென்மதக் கோவில்களெல்லாம் தாழ்த்தப்பட்டோர
்க்குத் திறக்கப்பட்டபின், நாடார்மார் மனக்குறைவும் நீங்கிற்று.
ஒரு தூய தமிழக்குலத்தாரின் முன்னேற்றத்திற்கு, தமிழரே வலுத்த முட்டுக்கட்டையாயிருந்ததும், தமிழின் வளர்ச்சிக்கு இன்றும் தமிழரே தடையாயிருப்பதும், மிகமிக வருந்தத் தக்கதும் தென்னாப்பிரிக்க நிலையினுங்கேடு கெட்டதுமாகும். இறைவனருளால் ஆங்கிலராட்சி இங்கு ஏற்பட்டதனால், இத்துணை முன்னேற்றம் நிகழ முடிந்தது. இன்றேல், இதற்குள் எத்தனையோ குலத்தார் தாழ்த்தப்பட்டிருப்பர்.
தாழ்த்தப்பட்டவரென்று பொதுவாக ஒருசில குலத்தாரைக் குறிப்பினும், தமிழருள் ஒரு குலத்தாரேனும் பிராமணருக்குச் சமமாகக் கருதப்படாமையால் தமிழர் அனைவரும் தாழ்த்தப்பட்டவரே. இன்று தாழ்த்தப்பட்டவர் என்று சொல்லப்படுபவர் உண்மையில் ஒடுக்கப்பட்டவரேயாவர்.
(விண்ணில் மண் (அ) வள்ளுவர் கூட்டுடைமை நூல்,பக்கம் 113,114,115; பாவாணர்)

Raj Kumar
நாடார்கள் கோவிலில் அனுமதிக்கப்படவில்லையா? இதில் உண்மை இருக்கிறது. அதே வேளையில் முழு உண்மையன்று. அவர்களின் கோவில் நுழைவு எங்கே மறுக்கப்பட்டது? சிந்திக்கப்பதற்குரிய சில பல தகவல்கள் கிடைக்கின்றன. அவர்களின் கோவில் நுழைவு அனுமதி மறுப்பு எங்கெல்லாம் இருந்தது.கொஞ்ச்ம முயன்று தேடினால் தெளிவான சித்திரம் கிடைக்கிறது. இது குறித்து ஆய்வாளர் ப்ரவாஹன் எழுதுகிறார். (ப்ரவாஹன், கோ விலுக்குள் நுழையாதே! கமுதிக்கோவில் நுழைவு வழக்கு தீர்ப்பு ).
//பழைய நெல்லை மாவட்டத்தின் தென் பகுதியிலும்,கொங்கு மண் டலத்திலும்,சோழ மண்டலத்திலும் , கோயில் அறங்காவலர்களாகவும், கோயில்களில் தேர்த்திருவிழாவில் தேர்த் வடம் பிடுத்துக்கொடுப
்பவர்களாகவும், பழனி தண்டாயுதபாணி கோயிலில் சிருங்கேரி சங்கராச்சாரியார் கையினால் விபூதியும் பிரசாதமும் பெறுபவர்களாகவும் இருந்த சான்றார் சாதியினர் பொதுவாக மதுரை நாயக்கர் ஆட்ச்சிப்பகுதியிலும் குறிப்பாக இராமநாதபுரம் ஜமீந்தாரி பகுதியிலும் கால பதித்ததுமே கோயிலுக்குள் நுழையும் வழக்கம் இல்லாத சாதியாகிவிடுவதுதான் இந்த தீர்ப்பின் விசித்திரம்!//- ப்ரவாஹன் (கோயிலுக்குள் நுழையாதே! கமுதிக்கோயில் நுழைவு வழக்கு தீர்ப்பு 1899, தென்னிந்திய சமூக வரலாற்று ஆய்வு நிறுவனம்)

Aathimoola Perumal Prakash
1874-ல், மதுரைக் கயற்கண்ணியம்மை யென்னும் மீனாட்சி யம்மன் கோயிலுள், நாடார் குலத்தார் புக முயன்று தடுக்கப்பட் டனர்//
தவறான தகவல்.
search நாடார் மறவர் மோதலின் தொடக்கம் வேட்டொலி