புதன், 6 ஜனவரி, 2021

மலையகம் தேவர் ஆதிக்கம் ராஜபக்ச விருந்தாளி இன்பாக்ஸ் aathi tamil இணைப்புகள் திங்., 16 செப்., 2019, முற்பகல் 10:52 பெறுநர்: எனக்கு Bernad Christy , Suppiah Subesan மற்றும் 24 பேருடன் இருக்கிறார். இலங்கையில் முதல் முறையாக ஜாதி கலாச்சார மண்டபம் ! அறிவு படைத்த மனித இனம், ஜாதி பார்ப்பதில் இருந்து இன்னும் மாறவில்லை..... அவல நிலையை நோக்கி(மக்கள்)+ நாடு போகிறது! மிச்சம் இருப்பது மலையகம் மட்டுமே முக்குலத்தோர் ஈழம் ஜாதிவெறி சாதி

 

aathi tamil aathi1956@gmail.com

திங்., 16 செப்., 2019, முற்பகல் 10:58
பெறுநர்: எனக்கு
சிங்களவர்/இந்திய வம்சாவளி/ஈழத்-- தமிழர்களும் சாதியமும்!
( # மிகச் # சுருக்கமாக ) 01
இந்திய வம்சாவளித் தமிழர்:
********************************
இந்தியாவில் இருந்து தமிழர்கள் தங்கள் வருவாய்/ வாழ்வாதாரம் கருதி மலேசியா/பர்மா போன்ற நாடுகளுக்கு வெள்ளையரோடு இலங்கை சென்றபோதே சாதியும் அவர்களைத் தொற்றிக்கொண்டு அங்கு சென்றது.
தமிழகத்தில் வெள்ளையர் ஆட்சியின்போது ஒடுக்கப்பட்ட தமிழர் உயர்ஜாதியினர்/ஜமீன் கொடுமைக்கு ஆளாகியபோது...
"இலங்கையில் அதிக வருமானம் கிடைக்கும்.அதைக்கொண்டு பணபலத்தோடு மீண்டும் தமிழகம் திரும்பும்போது, ஏற்கனவே தமிழகத்தில் உங்களை பணபலம், சாதிய ஒடுக்குமுறையால் அடக்கிய உயர்ஜாதி ஜமீன்களை எதிர்த்து சவால்விட்டு முன்னுக்கு வரலாம்" என்ற வெள்ளையரின் ஆசை வார்த்தைகளை நம்பி மலையகப்பகுதிக்கு சென்றனர் 80 வீதமான தாழ்த்தப்பட்ட சமூகத் தொழிலாளர்கள்.
இலங்கையில் வாக்குறுதிக்கு மாறாக இந்த தொழிலாளர் வெள்ளையரின் துன்புறுத்தலுக்கு ஆளான போது..
அதே வெள்ளையர்.....
அதே தொழிலாளரை அடக்கி ஒடுக்க. .. அதே தமிழகத்திலிருந்து....
அதே உயர்சாதி தமிழர்களை பெரிய கங்காணிமார்களாக இங்கே வரவழைத்து...
அவர்களை தங்கள் கைக்குள் வைத்து தொழிலாளரை கசக்கிப் பிழிந்தனர்,
என்பது வரலாறு.
சிறு உதாரணமாக...
ஹட்டன், கொட்டியாக்கொலை ஒய்யப்பன் கங்காணி இவர்களில் முக்கியமான அடக்குமுறையாளர்!
அதேவேளை தாழ்த்தப்பட்டவர்களில் இருந்தும் வலுவுள்ளவர்கள் சிலரும் இங்கே பெரிய கங்காணிமார்களாகக் கொண்டுவரப்பட்டனர்.
இது உயர்சாதி கங்காணிமார் தங்களை மிஞ்சினால் அவர்களுக்கு பதிலடி கொடுக்கவும்,
அதேவேளை இவர்கள் மூலமாக தாழ்த்தப்பட்டவர்களை தங்கள் வலைக்குள் வைத்துக் கொள்வதற்குமான தந்திரோபாயமாகும்.
இதே நேரத்தில் இந்தியாவிலும் குறிப்பாக தமிழகத்திலும் ஏற்கனவே இருந்ததைவிட அதிகளவில் சாதிப் பிரிவினை/பிரச்சினையை வளர்த்து மதமாற்றத்தையும் செய்து குழப்பியவர்களும் இந்த வெள்ளையரே, என்பதும் குறிப்பிடத்தக்கது.
1824 களில் இந்தியத் தமிழர் இங்கே அழைத்துவரப்பட்டபோதே கொழும்பில் வர்த்தகம் கருதி நிலைகொண்ட நாடார்/
செட்டியார்/பரதவர்(மீன்பிடி/கறையார்) சமூகத்தவரும் சாதிச் சங்கங்களை ஆரம்பித்திருந்தனர்.
அதேவேளை தாழ்த்தப்பட்ட பள்ளர்,பறையர் சமூகமும், முக்குலத்தோரும், வெள்ளாளரும் மலையகத்திலேயே தொழிலாளர்களாக நிலை கொண்டனர்.
மொட்டை வெள்ளாளர் என்போர் மலையகத்தின் வர்த்தக நடவடிக்கையில் ஈடுபட்டனர்.
ஆனாலும், தமிழகத்தைப்போல இங்கே இவர்களுக்குக்குள் ஜாதிப் பிரச்சினை தலைதூக்கவில்லை.
மேலும் தமிழகத்தில் இருந்தும் பம்பாய்(மும்பை) பகுதியில் இருந்து வந்த போரா/மேமன் பாய் முஸ்லிம்கள் கொழும்பில் பெரும் வர்த்தக நடவடிக்கையில் ஈடுபட்டனர்.
காலப்போக்கில் மலையகத் தமிழரின் நலனில் அக்கறை செலுத்திய இந்திய நேரு அரசு தமிழர்களை இணைத்து ஒரு குடையின் கீழ் கொண்டு வருவதற்காக சாதிச் சங்கங்களையும் இந்திய முஸ்லிம் வியாபார சமூகத்தையும் # இலங்கை # இந்திய
# காங்கிரஸ் என்ற தொழிற்சங்கத்துக
்குள் கொண்டு வந்தது.
பரதவர் சமூகத்தின் ஐ எக்ஸ் பெரேரா,ஜோர்ஜ் ஆர் மோத்தா போன்றோரும், மேமன் சமூக ஜனாப் அசீசும், வள்ளியப்பச் செட்டியாரும் இதில் முக்கியமான சிலராவர். இவர்கள் தோட்டத் தொழிலாளருக்காக தங்களை அர்ப்பணித்துக் கொண்டனர்.
காலப்போக்கில் இலங்கை இந்திய காங்கிரஸ் # உருக்குலையச்
# செய்யப்பட்டு
#இலங்கை # தொழிலாளர் #காங்கிரஸ் ஆரம்பமாகியதோடு முக்குலத்தோருக்கு முக்கிய பதவிகள் வழங்கப்பட்டது.
கள்ளர் சமூக தொண்டமான் தலைவராகவும், மறவர் சமூக செல்லச்சாமி செயலாளராகவும், அகம்படியர்(அகமுடையர்)சமூக அண்ணாமலை பொருளாளராகவும் ஆக்கப்பட்டனர்.
பள்ளர் சமூக வெள்ளையன் விலகி தொழிலாளர் தேசிய சங்கம் உருவாக்கினார்.
அசீஸ் ஜனநாயகத் தொழிலாளர் காங்கிரஸ் ஆரம்பித்தார்.
அதேசமயம் செல்லச்சாமி சகல சமூகத்தினரோடும் மென்போக்கைக் கடைப்பிடித்ததால் ஈற்றில் அவர் தொண்டமானால் ஓரங்கட்டப்பட்டு ஐக்கிய தேசியக் கட்சியில் இணைந்தார்.
இந்தக் காலத்திலேயே கொழும்பில் பல வியாபாரங்களில் குறிப்பாக நகைத் தொழிலில் வெள்ளாளர் சமூகம் கொடி கட்டிப் பறந்த நிலையில்...
அவர்களில் பெரும்பாலோர் தொண்டமானைக் கண்டுகொள்ளாத நிலையில்...
தொண்டமான் மூலம் அதிகளவான முக்குலத்தோர் செட்டியார் தெருவில் வெள்ளாளருக்கு போட்டியாக இறக்கிவிடப் பட்டனர்.
இதில் குறிப்பிடத்தக்கவர் அம்பிகா ஜூவலர்ஸ் சோலைமலைத் தேவராவார்.
சோலைமலைக்கு சென்னை தியாகராயநகரிலும் நகைக்கடை உண்டு.
கொழும்பில் நிலைகொண்ட வெள்ளாளர் சமூகம் ஏற்கனவே ஆறுநாட்டு வேளாளர் சங்கமும், தனி கல்யாண மண்டபமும் கட்டினர்.
பி பி தேவராஜ் இதனை ஆரம்பித்து வைத்தார். எனினும் கம்யூனிஸ்ட் ஆன தோழர் தேவராஜ் சாதீய உணர்வுக்கு அப்பாற்பட்டவராக இருந்தார்.
சமகாலத்தில் மலையகத்தில் இலங்கை திராவிட முன்னேற்றக் கழக தோழர் காலஞ்சென்ற இளஞ்செழியன் தாழ்த்தப்பட்ட மக்களின் சங்கத்தை ஆரம்பித்தார் எனினும் அது தொடரவில்லை.
அரசியலும், சாதிகளும்!
**************************
# மலையகம் /# கொழும்பு:
<><><><><><><><><><><><
அன்று ஆரம்பித்த அந்த சாதீயம்/சாதிய சங்கங்கள் மலையகத்தில் சில காலத்திற்கு முன்பு தீவிரமாகி, பின்னர் இளைஞர்கள் சிலரின் விழிப்புணர்வால் அமுங்கி இன்று மலையகத்திலும் கொழும்பிலும் மீண்டும் கொழுந்துவிட ஆரம்பித்துள்ளதோ? என்ற சந்தேகம் எழும் அதேசமயம்...
கடந்த காலங்களில் சிங்களத் தலைவர்களும் மலையகத் தொழிற்சங்க தலைவர்களையும், மக்களையும் மறைமுகமாக சாதியத்தில் உசுப்பிவிட்டு அரசியல் குளிர் காய்ந்தனர்/ காய்கின்றனர் என்பதும் நிர்வாணமான உண்மையாகும்!
இது ஒருபுறமிருக்க இதுகாலவரை இல்லாதவாறு கொழும்பில் மலையக சமூக மேம்பாடு கருதி செட்டியார் தெரு நகைத் தொழிலில் ஈடுபட்டோரால் # மலையக # கல்வி
# அபிவிருத்திச் # சங்கம் ஆரம்பிக்கப்பட்ட
ு அவர்கள் தொழிலாளர் பிள்ளைகளுக்காக தங்கள் சொந்த செலவில் பாரிய உதவிகளைச் செய்தனர், என்பதும் குறிப்பிடத்தக்க
தாகும்.
இவர்கள் அரசின் பாராட்டைப் பெற்ற அதேசமயம் எக்காரணம் கொண்டும் அரசியலையோ/அரசியல் தலைவர்களையோ எதற்காகவும் நாடவில்லை என்பது பெருமைக்குரிய விசயமாகும்!
மேலும், கடந்த மகிந்த அரசின்போது கொழும்பு மெயின் வீதியின் ஒரு பெரிய துணிக்கடையின் நிறுவனர் மட்டுமே அந்தக் கட்சியின் இரண்டாம் நிலைத் தலைவரின் செல்வாக்கிற்குள் இழுக்கப்பட்டு பெரும் சொத்து நட்டமடைந்தார்.
எனினும்...
அன்று எழுந்த புலிகளின் பிரச்சினையின்போது அந்த பிரபல அரசியல்வாதி செட்டியார் தெருவில் எவரையுமே கைவைக்க விடாமல் பாதுகாத்தார் என்பதும் குறிப்பிடத்தக்கதாகும்.
மொத்தத்தில் இன்று மலையகத்தில் ஆறு/திகா போட்டி ஏற்பட்டுள்ள நிலையில்.....
அந்த பலப்பரீட்சையில்--- ஆறு,
ரணிலா மகிந்தவா? என்ற நீறுபூத்த நிலையில் இருக்கும் அதேசமயம்.... கொழும்பிலும் தமிழர் முற்போக்கு முன்னணியின் தலைவர் மனோ கணேசனுக்கும் முகம் கொடுக்கவேண்டிய சவாலில்.... கொழும்பு முக்குலத்தோர் சங்கத்தையும் தனது செல்வாக்கில் இழுக்க வேண்டிய அவசரத்தில் உள்ளார்.
அதோடு #கொழும்பு # செல்வாக்கு -- பிசினஸ் கில்லாடியான திகாவையும் எதிர்கொள்ளவேண்டும் என்றால் செட்டியார் தெரு/
கொழும்பு முக்குலத்தோரை தனது கட்டுப்பாட்டில் தூக்கி நிறுத்த வேண்டும்.
தவிர,
சமீப காலங்களில் கட்சிகளின் ஜனாதிபதி வேட்பாளர் போட்டியில்... கொழும்பு செட்டியார் தெருவில்
# கோட்டா # மேனியா ஏற்பட்டுள்ளது.
அவர் # பதவிக்கு # வருவார் /
# வரவேண்டும்.அவர் மூலமே தமக்கு பாதுகாப்பு மற்றும் வியாபாரத்துக்கும் உந்துதல், என்ற எண்ணம் மேலோங்கியுள்ளது.
அதுபோக எந்தவொரு இலங்கை அரசியல் தலைவர்களுக்கோ பிற அரசியல்வாதிகளுக்கோ நிதியுதவி அளிப்பதிலும் செட்டியார் தெரு முந்தி நிற்கும்.
இதையெல்லாம் கணக்கு போட்டே சகல கட்சி முக்கிய புள்ளிகளையும் முக்குலத்தோர் சங்கம் அழைத்துள்ளனர்.
எல்லோருக்கும் நல்ல பிள்ளையாக--எவர் வந்தாலும் இசைந்து போய் தங்கள் வியாபாரத்தை மேம்படுத்தவும் பாதுகாக்கவும், வியாபாரத் தலைமைப் பொறுப்பை தமதாக்கும் முயற்சியின் ஒரு பகுதியே இந்த கலாச்சார மண்டபமே ஒழிய....
முக்குலத்தோருக்கு என்று தனி ஒரு கலாச்சாரம் இருப்பதாக இதுவரை நான் அறிந்ததில்லை.
# குறிப்பு :
அமைச்சர் மனோ கணேசன் இந்த சமூகத்துக்குள் இல்லை என்றாலும்... இப்போது கொழும்பில் எழுந்துள்ள சவாலை சமாளிக்க இந்த இந்தவகை நிகழ்ச்சிகளும் ஆதரவும் கட்டாயம் அவருக்குத் தேவையாகும்.
# தொடரும் -- # நாளை # மட்டும் !
By satchithanthan PalaniSamy

தோட்டத் தொழிலாளர் முக்குலம் 

ஈழத்தமிழர் தமிழகம் உதவி ஆன்டன் பாலசிங்கம்

 

aathi tamil aathi1956@gmail.com

வியா., 12 செப்., 2019, பிற்பகல் 6:38
பெறுநர்: எனக்கு
கலைச்செல்வம் சண்முகம்
•இனி இந்திய அரசு என்ன செய்யப் போகிறது?
1983ல் அன்டன் பாலசிங்கம் மற்றும் சந்திரகாசனை அமெரிக்க உளவாளிகள் என்று கூறி இந்தியாவை விட்டு வெளியேற்றியது இந்திய அரசு.
உடனே வரலாறு காணாத மக்கள் போராட்டம் தமிழ்நாட்டில் வெடித்தது. வேறு வழியின்றி வெளியேற்றியவர்களை மீண்டும் அழைத்துக் கொண்டது இந்திய அரசு.
நான் அறிந்தவரையில் உளவாளிகள் என்று வெளியேற்றியவர்களை மக்கள் போராட்டம் காரணமாக மீண்டும் நாட்டிற்குள் வரவழைத்த ஒரே நாடு உலகில் இந்தியா மட்டுமே.
அந்த வரலாற்று அற்புதத்தை ஈழத் தமிழர்களுக்காக நடத்தியவர்கள் தமிழ்நாட்டு தமிழர்களே.
அதேபோன்று இந்திரா காந்தி கொல்லப்பட்டபோது இந்தியா முழுவதும் 5000க்கு மேற்பட்ட அப்பாவி சீக்கியர்கள் கொல்லப்பட்டார்கள்.
இதுபற்றி கேட்டபோது “ஆலமரம் சரியும்போது சில புற்கள் நசுங்குவது இயற்கை” என்றார் ராஜிவ் காந்தி.
ஆனால் அதே ராஜீவ் காந்தி கொல்லப்பட்டபோது ஒரு ஈழத் தமிழன் கூட கொல்லப்படவில்லை. ஒரு புல்லுக்கூட நசுங்கவில்லை.
அப்போது இந்தியாவில் இரண்டு லட்சம் ஈழ அகதிகள் இருந்தார்கள். ஒரு ஈழத் தமிழனுக்குகூட ஆபத்து நேராமல் பாதுகாத்தவர்கள் தமிழகத்து தமிழர்களே.
ராஜிவ் காந்தி கொலையை அடுத்து இனி ஈழத் தமிழருக்கு தமிழ்நாட்டில் ஆதரவு இருக்காது என்றார்கள்.
புலிகள் இயக்கத்தை தொடர்ந்து தடை செய்து வருகிறார்கள். பிரபாகரனை பயங்கரவாதி என்கிறார்கள்.
ஆனாலும் தமிழக மக்கள் மனங்களில் இருந்து ஈழத் தமிழருக்கான ஆதரவை நீக்க முடியவில்லை.
எந்த பிரபாகரனை இந்திய அரசு தடை செய்கிறதோ அதே பிரபாகரன் படத்தின் முன்னிலையில் தமது திருமணத்தை நடத்துகின்றனர்.
இதோ இவர் படித்து பெற்றிருப்பது முனைவர் பட்டம். பார்த்த தொழில் பேராசிரியர். இவர் தனது திருமணத்தை பிரபாகரன் படத்திற்கு முன்னால் நடத்தி இந்திய அரசுக்கு பதில் அளித்துள்ளார்.
இனி இந்திய அரசு என்ன செய்யப் போகிறது?
குறிப்பு – தம்பதிகளுக்கு எமது திருமண வாழ்த்துக்கள்.
Tholar Balan

search ஈழம் தமிழகம் ஒற்றுமை label tag வேட்டொலி தோழர் பாலன்

ஹிந்தியா அமைதிப்படை பற்றி பிரபாகரன் பேட்டி ஈழம் கிழக்கு ஆக்கிரப்பு சிங்களர் ஹிந்தியா கூட்டு இசுலாமியர் தமிழரே

 

aathi tamil aathi1956@gmail.com

வியா., 12 செப்., 2019, முற்பகல் 11:53
பெறுநர்: எனக்கு
தோழன் அ.பிரபு
எங்கள் தமிழீழ வீடுதலைப்புலிகளின் தலைவர் தனது மேசையில் எழுதி வைத்த விடயம் என்ன? இதோ ஆச்சரியத் தகவல்கள்…..
புரொண்ட்லைன் சஞ்சிகைக்கு தமிழீழ தேசிய தலைவர் 1987 ம் ஆண்டு வழங்கிய பேட்டி. விடுதலைப் புலிகளின் தலைவர் வேலுப்பிள்ளை பிரபாகரன் இந்திய இலங்கை ஒப்பந்தத்தில் ஒரு முக்கிய பங்கை வகித்தவர்.
இந்த ஒப்பந்தம் கையெழுத்திடப்பட
ுவதற்கு முன்னர் பிரபாகரன் டெல்லிக்கு அழைக்கப்பட்டிருந்தார். அப்போது அவர் தனது எண்ணக்குமுறல்களையும் எதிர்ப்புகளையும் வெளிப்படுத்தினார்.
பிரபாகரன் டெல்லியில் இந்திய பிரதமர் ராஜீவ் காந்தியை சந்தித்து நிலைமைகள் மற்றும் பிரச்சினைகள் குறித்து மனம் திறந்து பேசியுள்ளதுடன் ஆகஸ்ட் மாத தொடக்கத்தில் யாழ்ப்பாணம் திரும்பினார்.
ஆகஸ்ட் மாதம் 4 ம் திகதி பிரபாகரன் ஆற்றிய உரை பரவலான கவனத்தை ஈர்த்திருந்தது. விடுதலைப் புலிகளின் நிலைப்பாடு குறித்தும் ஒப்பந்தத்தினை பற்றி திருப்தியின்மையையும் வெளியிட்டுள்ளார்.
அத்துடன் விடுதலைப் புலிகளுக்கும் இந்தியாவுக்கும் இடையிலான நெருக்கமான உறவையும் அன்பையும் தெளிவாக எடுத்துரைத்தார்.
இந்தியா மீது கொண்டுள்ள அன்பின் நிமித்தமே இந்திய அமைதி காக்கும் படையினரிடம் விடுதலைப் புலிகள் தமது ஆயுதங்களை கையளித்தனர் எனவும் எக்காரணம் கொண்டு இந்திய அமைதி காக்கும் படையினர் மீது போர் தொடுக்கக் கூடாது என்ற கொள்கையின் பற்றுறுதி காரணமாக விடுதலைப் புலிகள் ஆயுதங்களை ஒப்படைக்க முன்வந்தனர் எனவும் பிரபாகரன் சுட்டிக்காட்டினார்.
இதனையடுத்து ஒரு வாரத்தின் பின்னர் புரொண்ட்லைன் செய்தியாளர் டி.எஸ்.சுப்ரமணியன் மற்றும் புகைப்படப்பிடிப்பாளர் டி..கிருஷ்ணன் ஆகியோர் பிரபாகரனை யாழ்ப்பாணத்தில் இந்த பேட்டிக்காக சந்தித்தனர்.
அதன் பின்னர் நடந்த பேச்சுவார்த்தைக
ளில் ஏற்பட்ட நம்பிக்கையின் நிமித்தம் விடுதலைப் புலிகள் தமது ஆயுதங்களை கையளிக்க இணங்கினர்.
1987ம் ஆண்டு ஜனவரி மாதம் தமிழகத்தில் இருந்து யாழ்ப்பாணம் திரும்பிய பின்னர், விடுதலைப் புலிகளின் தலைமை தளபதி வேலுப்பிள்ளை பிரபாகரன் தனது முதலாவது நீண்ட பேட்டியை, ஆகஸ்ட் இரண்டாம் வாரத்தில் யாழ்ப்பாணத்தில் தன்னை சந்தித்த புரொண்ட்லைன் மற்றும் இந்து பிரதிநிதிகளுக்க
ு வழங்கினார். ஒரு மணிநேரத்திற்கு மேலாக அந்த பேட்டியை அவர் வழங்கினார்.
விடுதலைப் புலிகளின் தலைவர் மிகவும் அமைதியாகவும் நிம்மதியாகவும் காணப்பட்டார்.
செய்தியாளர்களின் கேள்விகளுக்கு பதிலளித்த அவர் கிழக்கு மாகாணத்தில் இராணுவத்தினர் தமிழர்களை தொடர்ந்தும் சித்திரவதை செய்வதாகவும் அதனை நேரில் சென்று காணுமாறு பிரபாகரன் கூறியுள்ளார்.
கேள்வி. இலங்கை இராணுவத்தினர் மே 26ம் திகதி யாழ்ப்பாணத்தில் வடமராட்சி பிரதேசத்தில் தாக்குதல் நடத்திய போது நீங்கள் வல்வெட்டித்துறையில் சிக்கிக் கொண்டதாகவும் பின்னர் தப்பிக்க முடிந்ததாகவும் ஊடக கதை உள்ளது. இது உண்மையா?.
(சிரிக்கிறார்) நான் 25 ம் திகதி இரவு யாழ்ப்பாணத்திற்கு வந்து விட்டேன். அதற்கு அடுத்த நாளே அவர்கள் தாக்குதலை ஆரம்பித்தனர். நான் வல்வெட்டித்துறையில் இருப்பதாக நினைத்து இந்த தாக்குதலை அவர்கள் நடத்தினர்.
கேள்வி. இலங்கை இந்திய ஒப்பந்தம் குறி்த்து உங்களுடைய மதிப்பீடு என்ன?. அது குறித்த உங்களது அச்சங்கள் என்ன?. உங்கள் எதிர்பார்ப்புகள் தொடர்பான விடயத்தில் அதில் ஒரு குறைபாடு இருப்பதாக நீங்கள் கூறுகிறீர்கள். அந்த அதிருப்தி தரும் முக்கிய பகுதிகள் என்ன?.
வடக்கையும் கிழக்கையும் இணைக்க வாக்கெடுப்பு நடத்தப்படும் என்று சொல்கிறார். அந்த இணைப்பு சாதாரண பெரும்பான்மை மூலம் முடிவு செய்யப்படும் என்றும் கூறுகிறார்கள். வடக்கையும் கிழக்கையும் இணைப்பது என்பது பிரச்சினையல்ல. அது எமது தாயகம். இந்த விடயத்தில் பேச்சுவார்த்தை என்ற கேள்விகே இடமில்லை.
மேலும் சில சிக்கல்கள் உள்ளன. இந்த ஒப்பந்தம் இந்தியா மற்றும் இலங்கை அரசாங்கங்கள் இடையிலான ஒரு ஒப்பந்தம். 1983 ம் ஆண்டு வடக்கு, கிழக்கில் இராணுவத்தின் சில முகாம்களே இருந்தன. ஆனால் தற்போது 200 முகாம்கள் உள்ளது என்பதும் கவலைக்குரியது.
இந்த இராணுவ முகாம்களை அகற்றாமல் சிங்கள குடியேற்றங்களை அகற்றவோ கலைக்கவோ முடியாது. உண்மையில் இந்த முகாம்கள் சிங்கள குடியேற்றங்களை நியாயப்படுத்தி விட்டது. இராணுவ முகாம்களை அகற்றுவது குறித்து ஒப்பந்தத்தில் எதுமில்லை.
இது போன்ற குடியேற்றங்களை நிறுத்தவும் கொடுமைகளை தடுக்க அங்கு இந்திய இராணுவம் இருக்க வேண்டும். ஆனால் விசித்திரமான விடயம் என்னவெனில், ஆனையிறவுக்கு அப்பால் யாழ்ப்பாண குடாநாட்டில் இந்திய இராணுவ முகாம்கள் உள்ளன.
கொடிகாமம், அச்சுவேலி, பலாலி, வண்ணாங்கேணி, இயக்கச்சி சந்தி, தாழையடி கரையோரம், பண்டத்தரிப்பு மற்றும் காங்கேசன்துறை வெளிச்ச வீடு போன்ற இடங்களில் இந்திய இராணுவ முகாம்கள் உள்ளன. இந்த இடங்களில் இந்திய இராணுவ முகாம்கள் தேவையில்லை, காரணம் அங்கு சிங்களவர்கள் இல்லை. ஆனால், இந்திய இராணுவம் அங்கு முகாம்களை ஏற்படுத்தியுள்ளது.
நாங்கள் வடக்கு, கிழக்கில் இருக்கும் 200 இலங்கை இராணுவ முகாம்களை அகற்றுமாறு கோருகிறோம். ஆனால், இந்திய இராணுவம் மேலும் முகாம்களை ஸ்தாபித்து வருகிறது. ஆரம்ப கட்டத்திலேயே மக்கள் மத்தியில் சந்தேகங்களுக்கும் அதிருப்திக்கும் இது வழிவகுத்துள்ளது.
அகதிகள் திரும்பி வருவதற்கு பாதுகாப்பு இடைவெளிகள் இல்லை. பாதுகாப்பு மற்றும் காண்காணிப்பு வலயங்கள் இன்னும் நீக்கப்படவில்லை. அங்கு இந்திய இராணுவ முகாம்கள் ஸ்தாபிக்கப்பட்டுள்ளன. இது மக்கள் மத்தியில் அதிருப்திக்கு வழிவகுத்துள்ளது.
மக்கள் விடுதலைப் புலிகளின் அலுவலகங்களுக்கு வந்து மனுக்களை கொடுக்கின்றனர். நாங்களை அவற்றை இந்திய அமைதிக்காக்கும் படையினரிடம் கொடுக்குமாறு கூறியுள்ளோம்.
கேள்வி: இந்திய இலங்கை ஒப்பந்தத்தின் வரைவு உங்களுக்கு கொடுக்கப்படவில்லை என நீங்கள் கூறியுள்ளீர்கள்.
அவர்கள் பிரதியை விலக்கி கொண்டுள்ளனர். ஒப்பந்தம் தொடர்பான வாக்கெடுப்பு இன்று நடக்கும் என்று திரு. ஜே.ஆர். ஜயவர்தன கூறினார். ஆனால், ஒப்பந்தம் தொடர்பான சட்டமூலம் நாடாளுமன்றத்திற்கு கொண்டு வரப்படவில்லை.
( இந்த கட்டத்தில் விடுதலைப் புலிகளின் அரசியல் அமைப்பாளரான யோகி குறுக்கிட்டு கருத்து வெளியிட்டார். சட்டமூலத்தை நிறைவேற்றுவதில் தொழிநுட்ப சிக்கல்கள் உள்ளன. இரண்டில் மூன்று பெரும்பான்மை பலத்தை பெறுவதில் இலங்கை அரசாங்கத்திற்கு சாத்தியப்பாடுகள் இல்லை. எனவே அரசியலமைப்பில் மாற்றங்கள் இடம்பெறலாம் என யோகி கூறினார்)
வெட்டுப்புள்ளிகள் தொடர்பான பிரச்சினைகள் தீர்க்கப்பட வேண்டும். 1983ம் ஆண்டு தமது இடங்களில் இருந்து சென்ற மக்கள் திரும்ப முடியும் என அரசாங்க அதிபர்கள் கூறுகின்றனர். ஆனால், மக்கள் 1983ம் ஆண்டு முன்னர் தமது இடங்களில் இருந்து இடம்பெயர்ந்துள்ளனர். ஆனால், இந்த ஒப்பந்தத்தில் இரண்டு முக்கிய அம்சங்கள் உள்ளன.
ஒன்று ஐக்கியப்பட்ட வடக்கு, கிழக்கு என்ற எமது தாயகம் தொடர்பானது. இரண்டாவது எமது நிலம். இவை இரண்டும் சிக்கலான பிரச்சினைகள். பெரிய பிரச்சினைகள் உள்ளன. இந்த ஒப்பந்தம் இந்த இரண்டு பிரச்சினைகளை தீர்க்கவில்லை. இது அடிப்படைப் பிரச்சினை.
இந்திய அரசாங்கம் மற்றும் இந்திய பிரதமர் ராஜீவ் காந்தி நடத்தை தொடர்பான உங்கள் அணுகுமுறை அதாவது உங்களது நிலைப்பாடு என்ன?
அவர்கள் தமது சொந்த நலன்களின் அடிப்படையில் அவசர அவசரமாக உடன்பாட்டுக்கு வந்துள்ளனர். அவர்கள் நீண்டகாலமாக பாதிக்கப்பட்ட மக்களின் குறைகளை சீர்தூக்கி பார்க்கவில்லை.
எப்படி?
முல்லைத்தீவில் அகதிகள் உள்ளனர். மக்கள் பேரணிகளை நடத்துகின்றனர். ஆனால், நாங்கள் ஆயுதங்களை கீழே வைக்க வேண்டும். மக்களின் பிரச்சினைகள் தீர்க்கப்படாமல் எப்படி நாங்கள் அதனை செய்வது. மக்கள் தமது சொந்த இடங்களுக்கு கட்டாயம் திரும்ப வேண்டும் என்பதே பிரச்சினை. அதற்கு வழியை ஏற்படுத்திக் கொடுக்க இலங்கை இராணுவத்தின் முகாம்கள் அகற்றப்பட வேண்டும். இது பிரச்சினைக்கு தீர்வை கொண்டு வராது. ஆனால், அது நடக்கவில்லை.
ஒப்பந்தம் கொண்டு வரப்படுவதற்கு முன்னர் நடைபெற்ற பேச்சுவார்த்தைக
ளில் ஆயுதங்களை கீழே வைக்க இதனை நாங்கள் நிபந்தனையாக விதித்தோம். இராணுவ முகாம்கள் கட்டாயம் அகற்றப்பட வேண்டும் என நாங்கள் கூறினோம். ஆனால் அது நடக்கவில்லை.
இராணுவ முகாம்கள் மே 25 ம் திகதி இருந்த இடத்திற்கு கொண்டு செல்ல வேண்டும் என நாங்கள் கூறும் போது அவர்கள் ஏன் கொடிகாமத்தில் இந்திய இராணுவ முகாமை நிறுவியுள்ளனர்?. மக்கள் திரும்பிச் செல்ல முடியவில்லை. அகதிகள் மீள திரும்ப முடியவில்லை.
கேள்வி: சுதுமலை அம்மன் கோயில் மைதானத்தில் ஆகஸ்ட் 4 ம் திகதி நடந்த பொதுக் கூட்டத்தில் ராஜீவ் காந்தியுடன் மனம் விட்டு பேசியதாக நீங்கள் கூறியிருந்தீர்கள். அவர் உங்களுக்கு சில உத்தரவாதங்களை கொடுத்ததாக நீங்கள் கூறியிருந்தீர்க
ள். அந்த உத்தரவாதங்கள் என்ன?.
வடக்கு மற்றும் கிழக்கில் மக்கள் பாதுகாக்கப்படுவார்கள் என்று ராஜீவ் காந்தி உறுதிமொழியை வழங்கினார். ஆனால், கிழக்கில் மக்கள் திரும்ப முடியாதுள்ளது.
இந்திய இராணுவம் அங்கு சென்றுவிட்டது. ஆனால் தமிழ் மக்களுக்கு அங்கு செல்ல முடியாதுள்ளது. சிங்கள ஊர்காவல் படை மற்றும் சிங்கள மக்களின் அதிகரித்த எதிர்ப்பு அங்கு காணப்படுகிறது.
அங்குள்ள ஒவ்வொரு வீடும், பாடசாலைகளும், கூட்டுறவு கடைகளும் இராணுவ முகாம்கள். ஆனால், அது போன்ற இடங்களில் இந்திய இராணுவம் நிறுத்தப்படவில்
லை.
இலங்கை இராணுவம் அங்கிருந்து வெளியேறாமல் பிரச்சினையை தீர்க்க முடியாது. மற்றைய விடயம் இலங்கை இராணுவத்தை அகற்றப்படும் என்ற நம்பிக்கை மக்கள் மத்தியில் குறைந்துள்ளது. இந்திய இராணுவம் சென்ற பின்னர் சிங்கள இராணுவம் திரும்பி வரும். மேலும் எங்களிடம் ஆயுதங்களை இல்லை.
கேள்வி. 200 இராணுவ முகாம்களை அகற்றுவது பற்றி ராஜீவ் காந்தி என்ன சொன்னார்?.
நாங்கள் சரியாக மதிக்கப்படவில்லை. இந்த நிலையிலேயே நாங்கள் ஒப்பந்தத்தை எதிர்த்தோம். யாரும் அதனை கவனத்தில் எடுக்க தயாராக இருக்கவில்லை.
டெல்லியிலா?.
ஆம். டெல்லியில்.(உறுதியாக)
கேள்வி ஆயுதங்களை கீழே வைத்து முடிந்தவுடன் வடக்கு மற்றும் கிழக்கின் எதிர்கால அரசியல் செயற்பாடுகளில் நீங்களும் விடுதலைப் புலிகளும் எதிர்பார்க்கும் பங்கு என்ன?.
அரசியல் பங்கை பற்றி கூறுவதென்றால், நாங்கள் ஒழுங்கமைப்பு அளவில் மக்களை தொடர்பு கொண்டு அதனை வலுப்படுத்துவோம். கிழக்கிலும் நாங்கள் எங்கள் அமைப்பை வலுப்படுத்துவோம். நாங்கள் ஏற்கனவே திருகோணமலை மற்றும் மட்டக்களப்பு மாவட்ட மக்களுடன் பணியாற்றி வருகிறோம். இது கடினமான பணியல்ல.
கிழக்கில் விடுதலைப் புலிகள் பலமாக இருக்கின்றனரா?.
கிழக்கில் உள்ள எமது மக்கள் குறிப்பாக சிங்களவர்கள் உள்ள பகுதிகளில் எமது மக்கள் தீவிரமான செயற்பாடுகளில் உள்ளனர். மூதூரில் விடுதலைப் புலிகளின் கொடியை ஏற்றிய மக்கள் சுட்டுக்கொல்லப்பட்டனர். இந்திய இராணுவமும் அரசாங்க அதிபரும் அகற்ற வேண்டும் என்றனர். அந்தளவுக்கு மக்கள் விடயங்களை அறிந்துள்ளனர்.
பல கட்சி அரசியல் அமைப்பை ஏற்றுக்கொள்வீர்களா?.
யூகோஸ்லாவியா அடிப்படையிலான ஒரு கட்சி அரசியல் இருக்க வேண்டும் என்று நீங்கள் முன்னர் கூறியிருந்தீர்க
ள். இது முக்கியமானது மற்றும் நீங்கள் எங்களது நிலைப்பாட்டை அறிந்து கொள்ள வேண்டும். நாங்கள் இன்னும் தமிழீழத்தை அடையவில்லை. தமிழீழத்தின் அரசியல் அமைப்பு எப்படி இருக்க வேண்டும் என்ற எனது நிலைப்பாட்டை தெரிவித்திருந்த
ேன்.
ஆனால் தற்போது தனிநாடு இல்லை. இது எம்மீது திணிக்கப்பட்ட ஒரு உடன்பாடு. இதில் அனைவரும் சமம், அனைவரும் ஒரே மாதிரி. நாம் எங்கள் அரசியல் நோக்கத்திற்காக போராட வேண்டும். நாம் எமது தமிழீழ அரசியல் நோக்கத்தை தொடர்ந்து எடுத்துச் செல்வோம்.
நாங்கள் எங்களது சொந்த அரசை நிறுவ வேண்டும் அப்போது அங்கு ஒரு கட்சி அல்லது அதற்கு பொருந்த கூடிய ஆட்சி முறை இருக்க முடியும். தற்போது என்ன நடந்துள்ளது.
இந்தியாவும் இலங்கையும் ஒரு ஒப்பந்தை செய்துள்ளன. இந்திய இராணுவம் இங்கு எங்கள் ஆயுதங்களை கேட்கிறது. நாங்கள் அதனை செய்ய போவதில்லை. நாங்கள் இந்திய இராணுவத்துடன் சண்டையிட வேண்டும். நாங்கள் இந்த ஏற்பாடுகளை ஏற்றுக்கொண்டாலும் எமது அரசியல் நோக்கத்தை கைவிடவில்லை.
கேள்வி: சமூக விரோத போராளி குழுக்களை தேர்தலில் போட்டியிட அனுமதிக்க முடியாது என ஆகஸ்ட் 5 ம் திகதி யாழ்ப்பாணத்தில் நடைபெற்ற செய்தியாளர் சந்திப்பில் நீங்கள் கூறியதாக முரண்பாடான அல்லது மாறுப்பட்ட தகவல்கள் உள்ளன. எது உண்மை?.
அனைவரையும் தேர்தலில் போட்டியிட அனுமதிப்போம். நாம் மக்கள் முன் எமது கருத்துக்களை முன்வைப்போம்.
கேள்வி – மக்களால் தெரிவு செய்யப்பட்ட தமிழர் விடுதலைக் கூட்டணி பிரதிநிதிகளின் என்ன பங்கை நீங்கள் காண்கின்றீர்கள்.
அவர்கள் முன்னர் என்ன செய்தனர் என்பது தெரியும். தேர்தலில் போராடும் வேலை அவர்களுக்கு தெரியும். அவர்கள் தேர்தல் போராட்டத்திற்கு திரும்பி சென்று விட்டனர். அவர்களின் கைகளுக்குள் அதிகாரத்தை கொண்டு செல்லும் தேவை எமக்கில்லை. இதுவே எமது நோக்கமும் நிலைப்பாடும். மக்கள் தீர்மானிக்கட்டும். அவர்கள் தேர்தலில் போட்டியிட வேண்டும். நாம் எமது காரணங்களுக்காக அவர்களுக்கு எதிராக நிற்போம். யார் பக்கம் நிற்க வேண்டும் என்பதை மக்கள் தீர்மானிப்பார்கள்.
கேள்வி: சுதுமலை பொதுக் கூட்டத்தில் தமிழீழ விடுதலைப் புலிகளின் போராட்டம் பலவகையானது என நீங்கள் கூறியிருந்தீர்கள். அவை என்ன?. அது வன்முறையற்ற மக்கள் சாரந்த போராட்டமா?. அல்லது நீங்கள் மீண்டும் ஆயுதப் போராட்டத்திற்கு செல்வீர்களா?.
நாங்கள் ஒரு வெகுஜன அடிப்படையிலான போராட்டத்தை நாட வேண்டும்.
கேள்வி: ஆனால் விடுதலைப் புலிகள் முற்றிலுமான ஒரு இராணுவ அமைப்பு அல்லவா?.
விடுதலைப் புலிகள் தற்போது பாரிய தளத்தை கொண்டுள்ள அமைப்பு. நீங்கள் எமது மே தின ஊர்வலத்தை பார்த்திருப்பீர்கள். அந்த ஊர்வலம் நடத்த போது இங்கு இராணுவ நிர்வாகம் இருந்தது. இராணுவ ஹெலிக்கொப்டர்கள் மேல் இருந்து துப்பாக்கி பிரயோகம் மேற்கொண்டன. அதேநேரம் சிங்கள மக்கள் தெற்கில் மே தினத்தை கொண்டாட முடியாது. அப்படியான ஆபத்தான நிலைமை, அப்படியான சூழ்நிலையில் கொளுத்தும் வெயிலும் எம்மால் 2 லட்சம் மக்களை திரட்டி பேரணியை நடத்த முடிந்தது. இது எமது அமைப்பு பாரிய தளத்தை கொண்டுள்ள அமைப்பு என்பதை காட்டியுள்ளது. வெறுமனே போராளி அமைப்பாக இருந்தால், மக்கள் பெருமளவில் இ்நத மே தின பேரணியில் கலந்து கொண்டிருக்க மாட்டார்கள்.
கேள்வி: கிழக்கில் உள்ள முஸ்லிம்கள் தொடர்பான உங்கள அணுகுமுறை என்ன?.
முஸ்லிம்களை நாங்கள் தனியான பிரிவாக பார்க்கவில்லை. முஸ்லிம்களை தமிழர்களின் ஒருங்கிணைந்த ஒரு பகுதியாக நாங்கள் கருதுகிறோம். மொழியால் ஒன்றுபட்டுள்ள மக்கள் மதத்தால் வேறுபட்டுள்ளனர் என்பதே பிரச்சினை. ( இதன் போது குறுக்கிட்ட யோகி, இலங்கை அரசாங்கம் ஏனைய தமிழர்களிடம் இருந்து முஸ்லிம்களை பிரித்து வைத்துள்ளதாக தெரிவித்தார்.)
கேள்வி: இணைப்புக்கு எதிராக வாக்களிக்குமாறு கிழக்கு மக்களிடம் கோரிக்கை விடுத்து முஸ்லிம் மக்களை இணைப்புக்கு எதிராக வாக்களித்தால், நீங்கள் என்ன செய்வீர்கள்?.
நாங்கள் அந்த நிலைமைக்கு திட்டமிடவில்லை. அது எதிர்காலத்தில் நடக்க உள்ளது ஒன்று. அந்த கட்டத்தில்தான் நாங்கள் அந்த பிரச்சினைக்கு பதிலளிக்க முடியும்.
கேள்வி: ஒரு போட்டி அரசியல் அமைப்பு தேர்தல் நடக்க போகிறது. அந்த அமைப்பு தொடர்பில் உங்கள் முன் உள்ள பிரச்சினைகள் என்ன?.
நாங்கள் ஏற்கனவே போட்டிகளை சந்தித்துள்ளோம். அந்த போட்டியில் நாங்கள் அந்நியர்கள் அல்ல. தமக்கு யார் வேண்டும் என்பதை மக்கள் இறுதியில் தீர்மானிக்கட்டும். குழப்பங்களில் இருந்து தம்மை விடுவித்து கொள்ள மக்கள் தமக்கான ஒரு சரியான தலைமைத்துவத்தை தெரிவு செய்து கொள்ளலாம்.
கேள்வி: 5 ஆயிரம் என மதிப்பிடப்பட்டு
ள்ள உங்களது போராளிகளின் எதிர்காலம் என்ன?.
நாம் அவர்களின் எதிர்கால வாழ்க்கைக்கு ஒரு முறையான திட்டத்தை வகுக்க வேண்டும். நாங்கள் அவர்களை கைவிட மாட்டோம். அவர்களின் வாழ்வாதாரத்தை தொடர நாங்கள் வழிகளை கண்டுபிடிப்போம். நாங்கள் தொழில் வாய்ப்புகளை உருவாக்குவோம். யார் படிக்க விரும்புகிறார்களோ அவர்களை படிக்க அனுமதிப்போம். அவர்களுக்கு தொழிற்பயிற்சிகளை ஒழுங்கு செய்வோம். எம் எல்லோருக்கும் ஒழுக்கமான இருக்கும் ஒரு கூட்டு வழியிலான வாய்ப்புகளை உருவாக்க வேண்டும்.
கேள்வி: ஆயுதங்களை கையளிப்பது மற்றும் உங்களது பேராளிகளுக்கான ஏற்பாடுகள் தொடர்புகள் குறித்து அவர்களின் எதிர்வினைகள் என்ன?. ஆயுதங்களை கையளிப்பதை அவர்கள் எதிர்க்கின்றனரா?.
போராளிகள் தனிப்பட்ட ரீதியில் என் மீது அதிகம் நம்பிக்கை வைத்துள்ளனர். அவர்கள் என் வார்த்தையை மீறி செயற்பட மாட்டார்கள். ஆனால், இன்று எந்த பாதுகாப்பும் இல்லை. இலங்கை இராணுவம் மற்றும் ஏனைய ஆயுத அமைப்புகளிடம் இருந்து நாம் ஆபத்துக்களை எதிர்நோக்கியுள்
ளோம்.
அப்படியானால், ஏதேனும் எதிர்ப்புகள் இருந்ததா?.
எதிர்கருத்துக்கள் இருக்கின்றன. நானே தயாராக இல்லை. பின்னர் போராளிகளின் மன நிலைமையை கற்பனை செய்து பாருங்கள். பாதுகாப்பு இல்லை. பல போராளிகள் இறந்து விட்டனர்.
கேள்வி: உங்கள் போராளிகள் அவர்களின் கழுத்தில் சயனைட் வில்லைகளை ஏன் அணிந்திருக்கின்
றனர்?. ஆயுதம் இல்லாத போது அது தேவைதானா?
தற்போது அது தவிர்க்க முடியாதது, அது மிகவும் தேவையானது என நான் நினைக்கின்றேன். கிழக்கில், சிங்கள இராணுவம், கைக்கூலிகள் மற்றும் போட்டி குழுக்களிடம் இருந்து தம்மை பாதுகாக்க அதுவே ஒரே ஆயுதம். அது மட்டுமல்ல, அவர்கள் போரிட்டனர். தமது உயிர்களை தியாகம் செய்த தோழர்கள் நினைவாக அவற்றை அணிவது தொடரும்.
கேள்வி: உங்களது போராளிகள் கொல்லப்படும் போது நீங்கள் எப்படி உணர்வீர்கள்?. இலங்கை இராணுவத்துடன் போரிட்டு 1983ம் ஆண்டு ஜூலை மாதம் உயிரிழந்த உங்களுக்கு விசுவாசமான போராளி சார்ள்ஸ் அன்டனியின் நினைவாக அவரது பெயரை உங்கள் மகனுக்கு சூட்டியுள்ளீர்கள்.
எமது போராளிகளின் மரணத்தின் உணர்வுகள் எமது மனங்களில் ஆழமான பாதிப்புகளை ஏற்படுத்தும். போராடி பலர் தமது உயிர்களை தியாகம் செய்துள்ளனர். 20 ஆயிரம் மக்கள் உயிர்களை தியாகம் செய்துள்ளனர். இந்த உயிர் தியாகங்கள் இந்தியாவின் மூலோபாய நலன்களால், தாழ்த்தப்பட்டுள்ளன. அத்தகைய தியாகிகளின் பிரதிநிதிகளான நாங்கள் ஒழுங்காக மதிக்கப்படவில்லை. எனவே இடைக்கால தீர்வை பார்க்கும் போது இந்திய அரசுக்கான ஆதரவை நிராகரித்து மக்களின் ஆதரவை நிரூபிக்க வேண்டும் என்ற எண்ணம் ஏற்படுகிறது.
இந்தியா எங்களுக்கு அவகாசம் கொடுக்கவில்லை. எங்களுடன் ஆலோசிக்காமல் அவர்கள் ஒரு உடன்பாட்டுக்கு வந்தனர். எனவே மக்களின் ஆதரவுடன் தமிழீழ இலக்கை நோக்கிய அரசியலுக்குள் செல்ல விரும்புகிறோம். இதுவே தகுந்த பதிலடியாக இருக்கும்.
கேள்வி: விடுதலைப் புலிகள் அமைப்பு தமது ஆயுதங்களை முழுமையாக ஒப்படைக்கவில்லை என அதன் பிரதிநிதி ஒருவரை மேற்கோள்காட்டி யாழ்ப்பாணத்தில் வெளியாகும் தமிழ் பத்திரிகைகள் இன்று செய்தி வெளியிட்டிருந்தன
ஆம் நாம் அறிக்கை ஒன்றை வெளியிட்டோம், ஆயுதங்களை ஒப்படைத்து விட்டு சாவதை விட போராடுவது மேலானது. ஆயுதங்கள் இன்றி பாதுகாப்பற்ற சூழ்நிலையில், பாரியளவிலான இறப்புகளில் இருந்து அது எம்மை பாதுகாக்கும்.
கேள்வி: உங்கள் வாழ்க்கையை வடிவமைப்பதில் எவை தாக்கங்களை ஏற்படுத்தின?
நல்லபெருமாள் கல்கி இதழில் வெளியிட்ட கல்லுக்குள் ஈரம் என்ற தொடர். அதனை நான் 5 முறை வாசித்திருக்கின்றேன். அந்த தொடர் இ்நதிய சுதந்திர போராட்டத்தை சுற்றி நகர்கிறது. திரு நல்லபெருமாள் அகிம்சை போராட்டத்தையும் ஆயுதப் போராட்டத்தையும் சமப்படுத்தியுள்
ளார்.
பொதுவாக எந்த விடுதலைப் போராட்டத்தையும் நான் படிப்பேன். ஜோன் ஒப் ஆர்க், நெப்போலியன் புத்தகங்களை படித்திருக்கின்றேன். எனக்கு எப்போதும் வரலாற்றில் ஆர்வம் இருந்தது. முகலாய ஆட்சிக்கு எதிராக முதல் கெரில்லா போராளி சிவாஜி. நான் சிறுவனாக இருந்த போது நேதாஜி சுபாஸ் சந்திரபோஸின் படங்களை வைத்திருப்பேன். படிக்கும் போது அவரது புகைப்படங்கள் என் மேசையில் இருக்கும்
எனது இறுதி சொட்டு இரத்தம் இருக்கும் வரை என் தாய் நாட்டின் விடுதலைக்காக போராடுவேன் என்று என் மேசையில் எழுதியிருப்பேன்.
2 மணி நேரம் · பொது

பிரபாகனார் புலிகள் நல்லிணக்கம் சிந்தனை ipkf

சென்னை சென்னப்ப நாயக்கர் தெலுங்கர் அவரது மகன்கள் தெலுங்கு நூல்

 

aathi tamil aathi1956@gmail.com

இணைப்புகள்புத., 4 செப்., 2019, பிற்பகல் 5:19
பெறுநர்: எனக்கு
Kattabomman Phoenix Birds
# ஸ்ஸ்ஸ்ஸ் ...!
# யப்பப்பா ...!!
# தாங்கமுடியலை...!!!
==================================
ஆயிரம் ஆவணங்கள் இருக்கும்போதே "முழித்திருக்க முழியை தோண்டுகிறார்கள்".
தாமர்லா வீட்டுப்பெயர் யாருக்கு வரும்...?
அவங்க விஜயநகர பேரரசு வழியா...???
அனைத்திற்கும் பதில் தாமர்லா வெங்கடபூபாலனும், தாமர்லா அங்குபூபாலனும் முறையே "பாகுலஸ்வசரித்திரம்" மற்றும் "உஷா பரிணயம்"ஆகிய நூல்களை தெலுங்கில் எழுதியிருக்கிறார்கள்.
இவர்கள் இருவரும் சென்னப்ப நாயக்கரின் மகன்கள் என்பது குறிப்பிடத்தக்கது...!!!

வந்தேறி நிலவுடைமை 








பார்ப்பனர் பெண் கம்யூனிஸ்ட் போராளி மணியம்மா சாம்பவனோடை சிவராமன் போல

 

aathi tamil aathi1956@gmail.com

இணைப்புகள்புத., 4 செப்., 2019, பிற்பகல் 5:18
பெறுநர்: எனக்கு
Raja Thamilan
# தமிழ்பார்ப்பன பெண்ணான
மணியம்மாவை மறந்ததே
# தமிழ்சமூகம்
கம்யூனிஸ்ட் கட்சிக்கு மட்டும் சொந்தமானவர் அல்ல தோழர் மணியம்மா. பெண்ணியம், சாதி ஒழிப்பு பேசும் அனைவரும் மணியம்மாவை பேச மறக்கக்கூடாது.
கீழத்தஞ்சை சமர்க்கள நாயகர்களின் வேங்கை அவர். சாதி தீண்டாமை, பண்ணையடிமை முறையை ஒழிக்க போராடிய தியாகி, பொதுவுடைமையின் போர்வாளாய் காவிரி வளநாட்டை காத்திட்ட ஒரு மாபெரும் களப் போராளி.
# கணவரை இழந்த
# பிராமண_பெண்ணாக # மொட்டை அடித்து மெல்ல காந்தியின் கொள்கையில் தேசிய விடுதலையில் ஈடுப்பட்டவர்தான் அவர்.
அவரின் தொடக்க காலம் எப்படியோ? அவர் பண்ணையடிமை முறைக்கு எதிராக பண்ணையார்களை எதிர்த்து போராட தொடங்கினார். முழு நேர கம்யூனிஸ்ட் ஆனார்.
செங்கொடியுடன்,
கையில் உள்ள குடைக் கம்பியில் எப்போதும் மறைத்து வைக்கப்பட்ட குறுவாள்,
கதர் வேட்டி,
தானே தைத்த மேல் பாக்கெட்டோடு ஜிப்பா போன்ற அரைக்கை சட்டை,
தோளில் துண்டு,
கிராப்பு வெட்டிய தலை,
தோல்ப்பை,
ஒற்றை காளை மாடு பூட்டப்பட்ட வண்டியில் தன்னந்தனியாக,
கீழத்தஞ்சை முழுவதும் ஒரு பெண் நிலவுடைமையாளர்களுக்கு சிம்மசொப்பனமாகவும், ஒடுக்கப்பட்ட விவசாயத்தொழிலாளர்களுக்கு தோழமையின் அடையாளமாகவும் இருந்தார்.
தனது சொந்தப் பண்ணையிலேயே சாதி அடிமைத் தனத்தை எதிர்த்து பெரும் போராட்டம் நடத்தினார். அதன் காரணமாகவே அவர் பண்ணையில் இருந்து சொந்தக் குடும்பத்தினரால் தள்ளி வைக்கப்பட்டார்.
ஜஸ்டீஸ் கட்சிக்காரர்களும், காங்கிரஸ்காரர்களும் பண்ணையார்களுக்க
ே சார்புடையவர்களாக இருக்கிறார்கள் என்று சொந்த அனுபவத்தை மக்களிடையே பரப்புரை செய்தார்.
அவரின் பண்ணை அடிமைக்கு எதிரான போராட்டத்தாலும், வர்க்க அணிதிரட்டலாலும் ஆத்திரமடைந்த அதிகார வர்க்கம் அவரைக் கொல்ல பலமுறை முயன்று தாக்குதல் தொடுத்திருக்கிறது.
சிலம்பம் கற்று கையில் சிலம்பத்தோடு தனி ஒருவராகவே தஞ்சைப் பகுதியெங்கும் சென்று விவசாய இயக்கங்களைக் கட்டி வளர்த்தார். உழைக்கும் மக்கள் தங்கள் தாயாகவே அவர்களை கருதினர். அவர் இயற்பெயர் வாலாம்பால், அவரின் செல்ல பெயர் மணி. அவரை மணி என்றே அனைவரும் அழைத்தனர். பிறகு அவரை உழைக்கும் மக்கள் 'மணி அம்மா' என்று அழைத்ததால் பிறகு தோழர்
# மணியம்மா ஆனார்.
எந்த சேரியில் மணியம்மா செங்கொடி ஏற்றுகிறாரோ அங்கு ஆண்டைகளும் காவல்துறையும் அஞ்சும். சாணிப்பால், சவுக்கடிக்கு எதிராக பல ஊர்களில் விவசாயதொழிலாளர்
களை ஒன்றிணைத்து போராடி ஒழித்தார். பல பண்ணையார்களிடம் கூலி உயர்வு பெறப்பட்டது.
எண்ணிலடங்கா விவசாயப் போராட்டங்களில் பங்கெடுத்த அந்த இரும்புப் பெண்மணி, தொழிலாளர் மத்தியில் வேலை செய்யவும் தயங்கவில்லை. நாகப்பட்டிணம் பகுதியில் மணியம்மையின் தொழிற் சங்கப் போராட்டம் இன்று வரை மக்களால் பேசப்பட்டு வருவது. அவர் கொடும் சிறை வாசத்துக்கும் அஞ்சவில்லை. அடிதடி பஞ்சாயத்துக்கும் அஞ்சுவதில்லை. அதேபோல அணைத்து கட்சிகளின் கபட வேடங்களையும், நிலப்பிரபுத்துவ ஆதரவுப் போக்கையும் தோலுரிக்கவும் தயங்கவில்லை.
தோழர் மணியம்மா தீவிரமாக அமைப்புப்பணி செய்பவர். அவர் ஏற்றி வைத்த செங்கொடிகள் நாகையில் ஏராளம். அதன் காரணமாகவே 40, 50களில் கீழத்தஞ்சையில் கம்யூனிஸ்ட் கட்சியை மணியம்மா கட்சி என்றுதான் பல ஊர்களில் அழைக்கப்பட்டது.
கம்யூனிஸ்ட் கட்சி தடை செய்யப்பட்ட போது தலைமறைவு வாழ்க்கை பிறகு ஒன்றரை ஆண்டு
# சிறைவாழ்க்கை . விடுதலையாகி வெளியே வந்து அரசால் சின்னாபின்னமாக்கப்பட்ட கம்யூனிஸ்ட் கட்சியை அதிகம் உழைத்து ஒன்றிணைத்தார்.
பூந்தாலங்குடி நிலக்கிழாரோடு விவசாய தொழிலார்களுக்காக பேச்சுவார்த்தை நடத்திவிட்டு வந்தபோது பண்ணையாரின் ஏவல்கலைமானின் கொம்பால் முட்டி மணியம்மாவின் குடலை சரித்தனர்.கட்சிதலமையில் உள்ள
வடுக திராவிடம் உண்மை போராளிகளை மறைத்துவிட்டது
பதிவு Nathikan mohamed
15 மணி நேரம் · Facebook for Android ·
நிலவுடைமை கம்யூனிசம் செவ்வணக்கம் 

பிள்ளையார் தமிழர் கடவுள் இல்லை பல்லவர் கொண்டுவந்தது இலக்கியம் கல்வெட்டு விரிவான பதிவு விநாயகர்

 

aathi tamil aathi1956@gmail.com

புத., 4 செப்., 2019, பிற்பகல் 5:11
பெறுநர்: எனக்கு
திணையகம்
கலவர இந்துத்வப் பிள்ளையாரைப் புறக்கணித்து, இந்துத்வத்தை வேரறுத்து,
நம் இயற்கையுடன் இணைந்த தத்துவத்தை (மண் பிள்ளையாரை) கடைபிடிப்போம்.
===================================
பிள்ளையார் வழிபாட்டின் தோற்றமும் வளர்ச்சியும்
இரா. கலைக்கோவன்
தமிழர் வாழும் இடமெல்லாம் இன்று தழைத்துப் பெருகியிருக்கும் பிள்ளையார் வழிபாடு, தமிழ்நாட்டில் எந்தக் காலத்தில் தோன்றியதென்பது குறித்துப் பல ஆய்வுகள் நிகழ்ந்துள்ளன. எனினும், அவற்றுள் எந்த ஆய்வும் திடமான முடிவுகளை முன்வைக்காமை பெருங்குறையே.
தமிழர் வரலாறு போதுமான சான்றுகளைக் கொண்டு தொடங்குவது சங்க காலத்திலிருந்து
தான். கி.மு மூன்றாம் நூற்றாண்டிலிருந்து கி.பி இரண்டாம் நூற்றாண்டு வரை செழித்திருந்த இச்சங்க காலத் தமிழர் வரலாற்றைத் தெளிவுற அறிய இலக்கியங்களும் கல்வெட்டுகளும் அகழ்வாய்வுச் சான்றுகளும் நன்கு உதவுகின்றன. இக்காலகட்டத் தமிழர் சமய வரலாறு பல்துறை அறிஞர்களால் தொகுக்கப்பெற்றுள்ளது. சேயோன் (முருகன்), மாயோன் (திருமால்), வேந்தன் (இந்திரன்), வருணன்(1), பழையோள்(2) (கொற்றவை), முக்கண்ணன்(3) (சிவபெருமான்), பலராமன்(4), உமை(5) எனத் தமிழர் வழிபட்ட தெய்வங்களைச் சங்க இலக்கியங்கள் பல பாக்களால் அறிமுகப்படுத்துகின்றன. சங்க இலக்கியங்களுள் காலத்தால் பிற்பட்டனவாகக் கருதப்படும் கலித்தொகை, பரிபாடல் ஆகிய இரண்டும் இறை சார்ந்த பல தொன்மங்களை விளக்குகின்றன. சங்க காலத்திற்குச் சற்று முற்பட்டதாக ஏற்றுக்கொள்ளப்பட்டுள்ள தொல்காப்பியமும் தமிழர் வழிபாட்டுச் சிந்தனைகளை முன்வைக்கிறது. இவ்விலக்கியங்களுள் ஒன்றுகூட, மறைபொருளாகவேனும் பிள்ளையார் வழிபாட்டைப் பற்றி யாண்டும் குறிப்பிடாமை நினைவு கொள்ளத்தக்கது.
'நல்லவுந் தீயவும் அல்ல குவியிணர்ப் புல்லிலை எருக்கமாயினும் உடையவை கடவுள் பேணேம் என்னா' என்னும் புறநானூற்றுப் பாடலடி (106) கொண்டு, அதன் பொருளை உணர்ந்தும் உணரார் போல சிலர் சங்க காலத்தில் பிள்ளையார் வழிபாடு இருந்ததாகக் கூறுவது பிழையாகும்(6). 'நல்லதென்றும், தீயதென்றும் வகைப்படுத்த இயலாத எருக்கம்பூ தரினும் தெய்வங்கள் அவற்றை மறுப்பதில்லை' எனும் பொருளமைந்த இப்பாடல், தெய்வங்களின் சார்பற்ற தன்மையைச் சுட்டுகிறதே தவிர, பிள்ளையார் வழிபாட்டை அல்ல. எருக்கம்பூ, சிவபெருமானால் விரும்பிச் சூடிக்கொள்ளப்பட்ட பூவாக அப்பர் பெருமானால் சுட்டப்படுவது நோக்க(7), பின்னாளிலேயே இது பிள்ளையாருக்கு உகந்த பூவாக மாற்றப்பட்டமை தெளிவாகும். எவ்வித அடிப்படைச் சுட்டலும் இல்லாத இப்பாடலடி கொண்டு, பிள்ளையார் வழிபாடு சங்க காலந்தொட்டே இருந்தது எனக்கூறுவார் கூற்று எவ்விதத்தானும் உண்மையாகாமை கண்கூடு.
தமிழ்நாடு முழுவதுமாய் மேற்கொள்ளப்பட்ட அகழ்வாய்வுகள் இக்காலகட்டச் சான்றுகளைப் பலவாய்த் தந்திருந்தாலும், பிள்ளையார் வழிபாட்டைக் குறிக்கும் எத்தகு அடையாளங்களையும் இன்றுவரை தரவில்லை. தமிழ்நாட்டின் இயற்கைக் குகைத்தளங்களில் காணப்படும் இக்காலகட்டத் தமிழிக் கல்வெட்டுகளும் இது குறித்து மௌனமாகவே உள்ளன என்பது குறிப்பிடத்தக்கது(8).
சங்க காலத்தை அடுத்தமைந்த மூன்று நூற்றாண்டுகளில் (கி.பி 200 - கி.பி 500) தமிழ்நாடு தமிழர் கையிலிருந்து மாறிப் பல்லவர், களப்பிரர் வயமாயிற்று. இக்காலகட்ட வரலாற்றை அறிய பல்லவர்களின் பிராகிருத, வடமொழிச் செப்பேடுகளும் இலக்கியங்களும் உதவுகின்றன. பல்வேறு அறிவியல் பூர்வமான சான்றுகளின் அடிப்படையில் தமிழ்நாடு, இலங்கை, ஜப்பான் சார்ந்த அறிஞர் பெருமக்கள் சிலப்பதிகாரம், மணிமேகலை, திருக்குறள் முதலிய இலக்கியங்களை இக்காலகட்டம் சார்ந்தவை என அடையாளப்படுத்தியுள்ளனர். இவ்விலக்கியங்களுள், தமிழர் சமய வரலாறு குறித்து அரிய பல தரவுகளை உள்ளடக்கியிருக்கும் சிலப்பதிகாரம் புகாரிலும் மதுரையிலும் இருந்த இறைக் கோயில்களை வகைப்படுத்தியும் வரிசைப்படுத்தியும் காட்டுகிறது.
பிறவா யாக்கைப் பெரியோன் (சிவபெருமான்), அறுமுகச் செவ்வேள் (முருகன்), வாலியோன் (பலராமன்), நெடியோன் (திருமால்), இந்திரன், கொற்றவை, உமை, கதிரவன் எனப் பல்வேறு முதன்மைத் தெய்வங்களைச் சுட்டும் சிலப்பதிகாரம், தருக்கோட்டம், வெள்யானைக் கோட்டம், வேற்கோட்டம், வச்சிரக்கோட்டம் என இறை சார்ந்தவற்றிற்கு அமைந்த கோயில்களையும் காட்டுகிறது(9). சிறு தெய்வ வணக்கம் பற்றியும் விரித்துரைக்கும் இவ்விலக்கியத்தில் பேரூர் சார்ந்தோ சிற்றூர் சார்ந்தோ எவ்விடத்தும் பிள்ளையார் வழிபாடு பேசப்படவில்லை என்பது குறிப்பிடத்தக்கது. இக்காலகட்டத்தைச் சேர்ந்ததாகக் கருதப்படும் பூலாங்குறிச்சிக் கல்வெட்டு, கோயில்களைப் பற்றியும் இறைவழிபாடு பற்றியும் கூறினாலும் பிள்ளையார் பற்றிய குறிப்புகளைக் கொண்டிருக்காமை கருதத்தக்கது(10). இக்காலப் பகுதிக்கு உரியனவாக அடையாளம் காணப்பட்டிருக்கும் வட்டெழுத்துக் கல்வெட்டுகளிலும் பிள்ளையார் சுட்டல் இல்லை(11).
பிள்ளையாரை முதன்முதலாக அறிமுகப்படுத்தும் இலக்கியங்கள் அப்பர், சம்பந்தர் திருமுறைகளே. இந்த ஆறு திருமுறைகளிலும் அப்பரும் சம்பந்தரும் பிள்ளையாரைப் பற்றி மிகக் குறைவான இடங்களிலேயே குறிப்புத் தருகின்றனர். இப்பெருமக்களின் காலம் கி.பி ஏழாம் நூற்றாண்டின் தொடக்கம் என அறிஞர் கொள்வர். இக்குறிப்புகளால், பிள்ளையார் சிவபெருமானால் தோற்றுவிக்கப்பட்டவர் என்பதையும் கயாசுரனைப் போரில் வென்றவர் என்பதையும் அறியமுடிவதுடன், அவரது தோற்றம் பற்றிய வண்ணனைகளையும் ஓரளவிற்குப் பெறமுடிகிறது.
உமை பெண் யானையின் வடிவம் கொள்ள, சிவபெருமான் ஆண் யானையின் வடிவம் கொண்டு இணைந்ததன் பயனாய்ப் பிறந்தவர் பிள்ளையார் என்பதை இரண்டு பதிகங்களால் விளக்குகிறார் சம்பந்தர். தம்மை வழிபடும் அடியவர்தம் இடர்களைத் தீர்ப்பதற்காக இறைவன் அருளிய கொடையே கணபதி என்று பிள்ளையாரின் பிறப்பிற்குக் காரணம் காட்டும் சம்பந்தர் (சம். 1: 123:5, 126:6), 'தந்த மதத்தவன் தாதை' (1:115:2), 'மறுப்புறுவன் தாதை' (1:117:8), 'கரியின் மாமுகமுடைய கணபதி தாதை' (2:232:3) என்று சிவபெருமானைச் சிறப்புச் செய்யுமாறு பிள்ளையாரின் தோற்றம் காட்டுகிறார்.
நாவுக்கரசர், சம்பந்தரின் கூற்றைக் 'கைவேழ முகத்தவனைப் படைத்தார்' (6:53:4), 'வினாயகர் தோன்றக் கண்டேன்' (6:77:8), 'ஆனைமுகற்கு அப்பன்' (6:74:7), 'கணபதி என்னும் களிறு' (4:2:5) எனும் பல்வேறு தொடர்களால் உறுதிப்படுத்துகிறார். கயாசுரனைக் கொல்லச் சிவபெருமான் பிள்ளையாரைப் பயன்படுத்திக் கொண்ட தகவலைத் தரும் நாவுக்கரசர், அதற்காகவே பிள்ளையார் பிறப்பிக்கப்பட்டார் எனக் கருதுமாறு பாடல் அமைத்துள்ளார் (6:53:4).
முருகப்பெருமானைப் பற்றி நாற்பத்தேழு இடங்களில் விதந்தோதும் இவ்விரு சமயக் குரவரும், பிள்ளையாரைப் பற்றி மிகக் குறைவான அளவிலேயே குறிப்புகள் தந்திருப்பதை நோக்க, இவர்தம் காலத்திற்குச் சற்று முன்னதாகவே பிள்ளையார் வழிபாடு தமிழ்நாட்டில் கால் கொண்டதாகக் கருதலாம்.
தமிழ்நாட்டில் இன்றைக்கும் காணப்படும் இறைக் கோயில்களுள் காலத்தால் பழமையானவை குடைவரைகளே. குன்றுகளைக் குடைந்தும், பாறைகளைச் செதுக்கியும் இத்தகு குடைவரைகள் அமைக்கப்பட்டன. வடதமிழ்நாட்டில் இத்திருப்பணியைத் தொடங்கியவர் பல்லவப் பேரரசரான முதலாம் மகேந்திரவர்மர். இவர் குடைவரைகள் எவற்றிலும் பிள்ளையார் சிற்பம் இடம்பெறவில்லை(12). திருக்கழுக்குன்றத்தில் உள்ள ஒருகல் மண்டபம் முதலாம் நரசிம்மவர்மரின் திருப்பணியாகக் கருதப்படுகிறது. இதிலும் பிள்ளையாரின் வடிவமில்லை. இராஜசிம்மரின் குடைவரைகளிலும் பிள்ளையாரின் சிற்பம் இறைவடிவமாகக் காட்டப்படவில்லை என்றாலும், மாமல்லபுரம் இராமாநுஜர் குடைவரையின் பூதவரியில் பிள்ளையார் இடம்பெற்றுள்ளார்.
இராஜசிம்மர் பணியான மாமல்லபுரம் தருமராஜர் ரதத்தின் பூதவரியிலும் பிள்ளையார் எனக் கொள்ளத்தக்க வடிவங்கள் இடம்பெற்றுள்ளன(13). இராஜசிம்மரின் கற்றளிகளில் கூடுகளிலும் கோட்டங்களிலும் பிள்ளையார் இடம்பெறத் தொடங்குகிறார். சிராப்பள்ளியிலு
ள்ள கீழ்க்குடைவரை(14), சிராப்பள்ளி மாவட்டத்தைச் சேர்ந்த திருப்பட்டூர்க் கைலாசநாதர் கோயில்(15), செங்கற்பட்டு மாவட்டம் வல்லத்திலுள்ள கந்தசேனரின் குடைவரை(16), ஆகியவற்றில் பிள்ளையார் கோட்டத் தெய்வமாகக்(17) காட்டப்பட்டுள்லமை குறிப்பிடத்தக்கது. இக்காலகட்டத்தைக் கி.பி எட்டாம் நூற்றாண்டின் தொடக்கப் பகுதியாகக் கொள்ளலாம். இதனால் வடதமிழ்நாட்டு இறைக்கோயில்களில், பிள்ளையாரின் சிற்பங்கள் சம்பந்தர், அப்பர் காலத்திற்கு ஏறத்தாழ ஒரு நூற்றாண்டிற்குப் பிறகே இடம்பெறத் தொடங்கியமை தெளியப்படும்.
தென் தமிழ்நாட்டில் பாண்டியர், முத்தரையர் கைவண்ணமாகப் பிறந்த குடைவரைகள் பலவற்றில் பிள்ளையாரின் சிற்பம் காணப்படுகிறது. அவற்றுள் குறிப்பிடத்தக்கது பிள்ளையார்பட்டி
(18). அங்குள்ள பிள்ளையார் இன்றைக்கு முதன்மைத் தெய்வமாக வழிபடப்பட்டாலும், உருவான காலத்தில் சிவபெருமானுக்கான குடைவரையின் முன், பக்கவாட்டில் விரியும் சுவரில் கோட்டத் தெய்வமாகச் செதுக்கப்பட்டவரே ஆவார். இக்குடைவரையில் இடம்பெற்றுள்ள வட்டெழுத்துக் கல்வெட்டு, 'எக்காட்டூருக் கோன் பெருந்தசன்' எனும் பெயரைத் தருகிறது. இக்கல்வெட்டின் எழுத்தமைதி கொண்டு இதை ஆறாம் நூற்றாண்டென்பர் அறிஞர்கள்(19).
இக்கருத்து ஏற்புடையதாயின் பிள்ளையர்பட்டிக் குடைவரையின் காலமும் ஆறாம் நூற்றாண்டாகிவிட
ும். எனில், தமிழ்நாட்டின் காலத்தால் முற்பட்ட பிள்ளையார் சிற்பமாகப் பிள்ளையார்பட்டிக் குடைவரைப் பிள்ளையாரையே கொள்ளவேண்டிவரும். குடைவரையின் அமைப்பு, சிற்பங்களின் செதுக்கு நேர்த்தி கொண்டு இக்குடைவரையின் காலத்தை ஏழாம் நூற்றாண்டாகக் கொள்வாரும் உண்டு. இரண்டில் எதை ஏற்பினும் இப்பிள்ளையாரே தமிழ்நாட்டின் காலத்தால் முற்பட்ட பிள்ளையார் என்பதில் ஐயமில்லை.
திருமலைப்புரம், செவல்பட்டி, தேவர்மலை, அரிட்டாபட்டி, மலையக்கோயில், திருக்கோளக்குடி, திருப்பரங்குன்றம், மலையடிப்பட்டி, குன்றக்குடி, கோகர்ணம் முதலிய பல பாண்டியர், முத்தரையர் குடைவரைகளில்(20) பிள்ளையார் சிற்பம் இடம்பெற்றுள்ளமையை நோக்க, தமிழ்நாட்டில் பிள்ளையார் வழிபாடு காலூன்றிய முதல் இடமாகப் பாண்டிய மண்ணையே கொள்ளவேண்டியுள்
ளது. கி.பி ஆறு, ஏழாம் நூற்றாண்டுகளில் சிராப்பள்ளிக்குத் தெற்கே காலூன்றிப் பரவிய இப்பிள்ளையார் வழிபாடு எட்டாம் நூற்றாண்டின் தொடக்கக் காலத்தில்தான் வடதமிழ்நாட்டிற்குள் குடிபுகுந்தது. எட்டாம் நூற்றாண்டிற்குப் பிறகும் தமிழ்நாட்டுச் சமய வரலாற்றில் முருகப்பெருமானுக்குக் கிடைத்த இடம் பிள்ளையாருக்குக் கிடைக்கவில்லை என்பதே உண்மை. பல்லவர், பாண்டியர், முத்தரையர் குடைவரைகளில் கோட்டத் தெய்வமாக இடம்பெற்ற பிள்ளையார், தொடக்கக் காலப் பல்லவக் கற்றளிகளில் ஆங்காங்கே இடம்பெற்றாலும், அபராஜிதர் காலக் கற்றளிகளில்தான் உள்மண்டபத் தென் கோட்டத் தெய்வமாக நிலைபெற்றார்(21). இந்நிலைபேறு சோழர் காலத்தில் உறுதியாக்கப்பட்
டது.
சோழர் காலக் கற்றளிகளின் திருச்சுற்றில் சுற்றாலைக் கோயில்கள் உருவானபோது எண்பரிவாரத்துள் ஒன்றாகப் பிள்ளையாருக்கும் இடம் கிடைத்தது. திருச்சுற்றின் தென்மேற்கு மூலை பிள்ளையாருக்கு உகந்த இடமாக ஒதுக்கப்பட்டு அவருக்கெனத் தனித் திருமுன் அமைக்கப்பட்டது. இத்தகு பிள்ளையார் திருமுன்களைச் சோழர் கற்றளிகளிலும் பின்னால் வந்த பிற மரபுப் பேரரசுக் காலக் கற்றளிகளிலும் இன்றும் காணலாம்.
கோட்டத் தெய்வமாகவோ, சுற்றாலைத் தெய்வமாகவோ மட்டுமே அமைந்த பிள்ளையாருக்குத் தனிக்கோயில் அமைக்கும் பழக்கம் மிகப் பிற்பட்ட காலத்திலேயே ஏற்பட்டது. தமிழ்நாட்டுக் கோயில்களில் கிடைக்கும் பல்லாயிரக்கணக்கான கல்வெட்டுகளும் அதையே உறுதி செய்கின்றன.
குறிப்புகள்
1. தொல்காப்பியம், பொருளதிகாரம், இளம்பூரணம், நூற்பா எண். 5.
2. திருமுருகாற்றுப்படை, 258-259.
3. புறநானூறு, 6:18
4. கலித்தொகை, அனந்தராமையர் பதிப்பு, தமிழ்ப் பல்கலைக்கழக வெளியீடு, தஞ்சாவூர், ப.144.
5. கலித்தொகை, 38:1-5.
6. நடன காசிநாதன், தமிழகமும் கணபதி வழிபாடும், தாய் நாட்டிலும் மேலைநாடுகளிலும் தமிழியல் ஆய்வு, பக்.162-170.
7. 4:104:4; 5:95:5
8. Iravatham Mahadevan, Early Tamil Epigraphy, pp. 314-447.
9. சிலப்பதிகாரம், 5:169-173; 9:9-13
10. எ.சுப்பராயலு, எம்.அர். ராகவ வாரியர், பூலாங்குறிச்சிக் கல்வெட்டுகள், ஆவணம் 1, பக். 57-69.
11. Iravatham Mahadevan, Early Tamil Epigraphy, pp. 450-537
12. மு.நளினி, இரா.கலைக்கோவன், மகேந்திரர் குடைவரைகள் ஓர் ஒப்பாய்வு, வரலாறு 11, பக். 57-82.
13. மு.நளினி, இரா.கலைக்கோவன், அத்யந்தகாமம், பக். 11-12.
14. மு.நளினி, இரா.கலைக்கோவன், சிராப்பள்ளிக் கீழ்க்குடைவரை, வரலாறு 9,10, பக்.131-179.
15. இரா.கலைக்கோவன், கண்டறியாதன காட்டும் கைலாசநாதர், அமுதசுரபி தீபாவளி மலர் 1997, பக். 303-306.
16. இக்குடைவரை முதலாம் மகேந்திரர் காலத்தில் அவர் அடியாரான வயந்தப் பிரியரைசரின் மகன் கந்தசேனரால் குடைவிக்கப்பட்டது. குடைவரை குடையப்பட்டுள்ள பாறையின் வெளிப்புறத்தே வலப்பக்கம் கோட்டம் அகழ்ந்து பிள்ளையார் வடிவம் செதுக்கப்பட்டுள்ளது. தோற்றம், செதுக்குநேர்த்தி கொண்டு இப்பிள்ளையார் வடிவம் குடைவரைக் காலத்ததா அல்லது பிற்காலத்தில் உருவாக்கப்பட்டதா என்பதை உறுதியாகக் கூறக்கூடவில்லை. இரண்டாம் நரசிம்மரான இராஜசிம்மப் பல்லவரின் தொடக்கக் காலக் கட்டுமானப் பணிகளில்தான் பிள்ளையார் வடிவத்தைப் பூதவரிகளில் காணமுடிகிறது. அவர் காலக் கற்றளிகளில் பிள்ளையார் கோட்டத் தெய்வமாக இடமாற்றம் பெறுகிறார். பல்லவர் கைவண்ணமான சிராப்பள்ளிக் கீழ்க்குடைவரை முருகன், கொற்றவை, சூரியன், நான்முகன் ஆகிய தெய்வங்களுக்கு இணையான தெய்வமாகப் பிள்ளையாரைச் சமநிலையில் நிறுத்திப் பெருமைப்படுத்தி
யுள்ளது. காலநிரலான இப்பரிணாம வளர்ச்சியைக் காணும்போது, வல்லம் குடைவரைப் பிள்ளையாரைக் குடைவரைக் காலத்திற்குச் சற்றுப் பிற்பட்டவராகவே கொள்ளவேண்டியுள்
ளது. வல்லத்துக் குன்றில் இலக்கசோமாசியார் மகள் எடுத்துள்ள இரண்டாம் குடைவரையின் முகப்பிற்கு முன் விரியும் பக்கச் சுவரில் ஒரு பிள்ளையார் வடிவம் செதுக்கப்பட்டுள்ளது. அதையும் கி.பி எட்டாம் நூற்றாண்டுப் படைப்பாகவே கொள்ளலாம்.
17. 'வல்லத்தில் மகேந்திரவர்மன் காலத்தியதாகக் கருதப்படும் குடைவரைக் கோயிலில், ஒரு சன்னதியின் முன்பாக உள்ள இரு தூண்களில் ஒன்றில் கணபதியின் உருவமும் மற்றொன்றில் சேட்டையின் சிற்பமும் செதுக்கப்பட்டிருக்கின்றன' எனும் நடன காசிநாதனின் கூற்று, அவர் வல்லம் குடைவரையைப் பார்க்காமலேயே கட்டுரைத்துள்ளம
ையைத் தெளிவுபடுத்துகிறது. தமிழகமும் கணபதி வழிபாடும், தாய்நாட்டிலும் மேலைநாடுகளிலும் தமிழியல் ஆய்வு, ப.167.
18. இரா.கலைக்கோவன், பிள்ளையார்பட்டிக் குடைவரை, அமுதசுரபி தீபாவளி மலர், 2000, பக். 82-86.
19. Iravatham Mahadevan, Early Tamil Epigraphy, pp. 475-675; பிள்ளையார்பட்டிப் பிள்ளையாரையும் இக்கல்வெட்டையும் பற்றிக் குறிப்பிடும்போது நடன காசிநாதன், 'பிள்ளையார்பட்டியில் காணப்பெறும் குடைவரைக்கோயிலில் ஒரு பழமையான கல்வெட்டும், கணபதியின் புடைப்புச் சிற்பமும் அருகருகே காணப்பெறுகின்றன' என்று தவறான தகவல் தந்துள்ளார். தமிழகமும் கணபதி வழிபாடும், தாய்நாட்டிலும் மேலைநாடுகளிலும் தமிழியல் ஆய்வு, ப.166. பிள்ளையார் சிற்பம் சிவபெருமான் குடைவரையின் வடபுறம் உள்ள பாறைச்சுவரில் ஹரிஹரர் சிற்பத்தை அடுத்துச் செதுக்கப்பட்டுள்ளது. சிவபெருமான் குடைவரைக்குத் தென்புறம் விரியும் கிழக்குச் சுவரில் உள்ள அரைத்தூணில் பெருந்தசன் கல்வெட்டுக் காணப்படுகிறது.
20. அர.அகிலா, இரா.கலைக்கோவன், திருமலைப்புரம் குடைவரை, வரலாறு 6, பக். 118-134;
சீ.கீதா, இரா.கலைக்கோவன், செவல்பட்டிக் குடைவரை, வரலாறு 4, பக்.25-38;
அர.அகிலா, தேவர்மலைக் குடைவரை, வரலாறு 3, பக். 57-66;
மு.நளினி, இரா.கலைக்கோவன், அரிட்டாபட்டிக் குடைவரை, பதிப்பிக்கப்படாத கட்டுரை;
மு.நளினி, இரா.கலைக்கோவன், மலையக்கோயில் குடைவரைகளும் கல்வெட்டுகளும், வரலாறு 11, பக். 159-174;
மு.நளினி, இரா.கலைக்கோவன், பரங்குன்றம் குடைவரை, பதிப்பிக்கப்படாத கட்டுரை;
ம.ஜான்சி, மு.நளினி, இரா.கலைக்கோவன், மலையடிப்பட்டிக் குடைவரைகளும் கல்வெட்டுகளும், வரலாறு 4, பக்.64-115;
அர.அகிலா, மு.நளினி, குன்றக்குடிக் குடைவரைகளும் கல்வெட்டுகளும், வரலாறு 2, பக். 56-106;
மு.நளினி, இரா.கலைக்கோவன், திருக்கோளக்குடிக் குடைவரையும் கற்றளிகளும், வரலாறு 6, பக். 134-168;
மு.நளினி, இரா.கலைக்கோவன், கோகர்ணம் குடைவரையும் கல்வெட்டுகளும், பதிப்பிக்கப்படாத கட்டுரை.
21. மு.நளினி, இரா.கலைக்கோவன், அபராஜிதர் காலக் கற்றளிகள், பதிப்பிக்கப்படாத கட்டுரை.
(நன்றி: வரலாறு.காம்)
6 மணி நேரம் · Facebook for Android ·
பொது
பக்கத்தை விரும்பு · சேமி